படலம் 98: ஸர்வ தானோத்தம விதி

98வது படலத்தில் ஸர்வ தானோத்தம விதி, கூறப்படுகிறது. இங்கு துலாரோஹதான விதிப்படி மண்டபம் அமைத்து வேதிகை, குண்டம், மண்டலம் இவைகளோடு கூடியதாக செய்யவும் என கூறி கொட்டகையிலோ, இந்த விதியை அனுஷ்டிக்கவும் என விசேஷமாக கூறப்படுகிறது. மண்டலத்தின் மத்தியில் பரமேஸ்வரனை பிரம்மா, விஷ்ணு சஹிதமாக சந்தன, புஷ்பங்களால் பூஜிக்கவும் என கூறப்படுகிறது. பிறகு குண்டத்தில் நல்ல மனதை உடையவர்களால் சேஷ ஹோமம் செய்யவும் என கூறி அதன் மந்திரங்கள் கூறப்படுகின்றன. பிறகு நான்கு வேதங்களை அறிந்த மூன்று நபர்களை ஏற்றுக் கொள்ளவேண்டும். அந்த பிராம்ணர்களுக்கு பிரம்மா, விஷ்ணு, சிவன்களை உத்தேசித்து நியாயப்படி பஞ்சாங்க பூஷணம், நல்ல வஸ்திரங்களுடன் கூடியதாக தனித்தனியாக 108 கணக்குகள் ஸ்வர்ணங்களை கொடுக்கவும், இங்கு கூறப்படாத எந்த கர்மா உண்டோ அவை எல்லாம் முன்பு கூறப்பட்ட முறைப்படி செய்யவும் என கூறப்படுகிறது. இவ்வாறு 98வது படலத்தின் கருத்து சுருக்கமாகும்.

1. எல்லா தானங்களை காட்டிலும் உத்தமமான முதல் தானத்தை கூறுகிறேன். முன்பு போல் வேதிகை குண்டம் இவைகளுடன் மண்டபத்தை அமைக்க வேண்டும்.

2. முன்பு கூறிய விதமாக மண்டலத்துடன் மண்டப நிர்மாணத்தை தண்ணீர் பந்தலில் அமைக்கவும். மண்டலத்தின் நடுவில் பிரம்மா, விஷ்ணு, இவர்களுடன் பரமேஸ்வரனை

3. சந்தனம் முதலியவைகளால் சிவன், பிரம்மா விஷ்ணுவிற்கும் பூஜை செய்யவும். தனத்தை கொடுக்கும் பிரம்மாவிற்கும் (விஷ்ணுவிற்கும்)

4. சிவனுக்கும் விஷ்ணுவிற்கும் ஸ்வாஹா, ஸ்வதா, வவுஷட், வஷட், நம என்பதாக பூஜிக்கவும். (நாராயாணாய வித்மஹே வாஸுதேவாய தீமஹி தந்தோ விஷ்ணு: ப்ரசோதயாது)

5. என்பதாகவும் மீதமுள்ள ஹோமத்தை சமாதான முள்ளவர்களால் குண்டத்தில் ஹோமம் செய்ய வேண்டும். நான்கு வேதங்களை அறிந்த மூன்று நபர்களை ஜபம் செய்ய சொல்ல வேண்டும்.

6. அந்த பிராம்மணர்களுக்கு கூறிய முறைப்படி தட்சிணையை கொடுக்கவும். நூற்றிஎட்டு ஸுவர்ணம் தனித்தனியாக கொடுப்பது உத்தமமாகும்.

7. அவர்களுக்கு ஐந்து அங்களுக்கும் ஆபரணம் ஸமர்ப்பித்து வஸ்த்ரம் முதலியவைகளை கொடுக்கவும். இங்கு கூறப்படாததை முன்பு கூறப்பட்டது போல் எல்லாவற்றையும் செய்ய வேண்டும்.

இவ்வாறு உத்தரகாமிக மஹாதந்திரத்தில் ஸர்வதானோத்தம விதியாகிய தொண்ணூற்றி எட்டாவது படலமாகும்.

படலம் 97: எட்டு திசை நாயகர்களை தான செய்யும் முறை

97வது படலத்தில் 8 லோக பாலகர்களின் தான விதி கூறப்படுகிறது. துலாரோஹதான விதியில் கூறப்பட்டுள்ள இடம் காலம் இவைகளில் அவ்வாறே அந்தந்த விதியில் கூறப்பட்டுள்ளபடி நிர்மாணிக்கப்பட்ட வேதிகை, மண்டலம், குண்டம், இவைகளுடன் கூடிய மண்டபத்தில் அந்த படலத்தில் கூறியுள்ள முறைப்படியே சிவ பூஜை ஹோமம் செய்து நல்ல லக்ஷணத்துடன் கூடிய எட்டு சிவாச்சாரியர்களை கூப்பிட்டு புதிய வஸ்திரத்தின் மேல் வடக்கு முகமாக அமர்த்தி அவர்களை சந்தனம், புஷ்பம் இவைகளால் அஷ்டதிக்பாலக மந்திரங்களாலும் பூஜிக்கவும் என கூறப்படுகிறது. வேறு ஒருமுறை கூறப்படுகிறது. பிறகு அந்த சிவாச்சாரியர்களுக்கு வஸ்திரம் ஆபரணங்கள் வாசனை திரவ்யங்கள் கம்பளம் முதலியவைகளை கொடுக்கவும். ஆபரணங்களுடன் கூடி நூறு நிஷ்கத்துடன் கூடியதாக தட்சிணைகள் கொடுக்கவேண்டும் என கூறப்படுகிறது. இங்கு சொல்லப்படாத எந்த சிறிய முறை உண்டோ அதை துலாரோக விதிப்படி செய்யவும். முடிவில் திக்பாலகர்களின் தானம் எல்லா சம்பத்தையும் ஸம்ருத்தியாக கொடுக்கக் கூடியதாகவும் பிறரால் ஏவப்பட்ட சக்ரங்களை அழிக்க வல்லதாகவும் யானை குதிரை இவைகளை விருத்தி செய்வதாகவும், குழந்தையை கொடுக்கக் கூடியதும், ராஜ்யத்தை அபிவிருத்தி செய்வதாகவும், பசு பிராம்ணர்கள் இவர்களுக்கு சுகத்தை கொடுக்கக் கூடியதுமாக ஆகும் என்று கூறப்படுகிறது. இவ்வாறு 97வது படலத்தின் கருத்து சுருக்கமாகும்.

1. பிறகு எட்டு திக்பாலகர்களின் தானம் கூறுகிறேன். முன்பு கூறப்பட்ட இடம், காலத்தில் வேதிகை, மண்டலத்துடன் கூடிய இடத்தில்

2. குருவானவர் முன்பு போல் சிவபூஜையும், ஹோமமும் செய்து எல்லா அமைப்பும் உள்ள எட்டு ஆதி சைவர்களை அழைத்து

3. வடக்கு முகமாக அமர்த்தி, புதிய வஸ்திரங்களை உடுத்தியவர்களாக சந்தனம், புஷ்பம் இவைகளாலும் திக்பால மந்திரங்களாலும் பூஜிக்க வேண்டும்.

4. ஒரு குண்டம் அல்லது ஸ்தண்டிலத்தில் ஹோமம் செய்ய வேண்டும். ஆபரணங்களுடன் கூடியதாக பத்து நிஷ்க அளவுள்ள தட்சிணையை கொடுக்க வேண்டும்.

5. ஆஸனம், கம்பளம், வஸ்திரம், உத்தரீயங்களையும் கொடுக்கவும். இங்கு கூறப்படாதது ஏதாவதிருப்பின் துலாபார விதிப்படி செய்ய வேண்டும்.

6. எல்லா ஸமிருத்தியான ஐஸ்வர்யத்தை கொடுக்கக்கூடிய லோக பாலதானம் இவ்வாறாகும். இது பிறரால் ஏவப்பட்ட சக்கரங்களை அழிக்க வல்லதும் யானை குதிரை இவைகளை விருத்தி செய்வதும் ஆகும்.

7. புத்ரனை கொடுக்கக் கூடியதும், அபிவ்ருத்தியான ராஜ்யத்தை கொடுக்கக் கூடியதும் பசு, பிராம்மணர்களுக்கு நலத்தை கொடுக்கக் கூடியதும் ஆகும்.

இவ்வாறு உத்தரகாமிக மஹாதந்த்ரத்தில் லோகபாலாஷ்டக தான முறையாகிற தொன்னூற்றியேழாவது படலமாகும்.

படலம் 96: யானையை தானம் செய்யும் முறை

96வது படலத்தில் யானையை தானம் செய்யும் முறை கூறப்படுகிறது. ஆயிரம், ஐநூறு, இருநூற்றி ஐம்பது, 100, 50, 125, 108, என்ற இந்த அந்த எண்ணிக்கையில் தங்கத்தாலோ, வெள்ளியாலோ, லக்ஷண முறைப்படி யானை செய்ய வேண்டும் என கூறப்படுகிறது. பிறகு துலாரோஹதான முறைப்படி வேதிகை குண்டம், மண்டலம் இவைகளுடன் கூடியதாக மண்டபம் அமைத்து அதன் மத்தியில், கஜேந்திரனை வைத்து சந்தனம், புஷ்பம் இவைகளால் பூஜிக்க வேண்டும். துலாரோஹதான முறைப்படி சிவனை பூஜித்து ஹோமம் செய்யவும். சிரத்தையுடன் கூடி யானையை சிவனுக்கும் சிவபக்தனுக்கும் கொடுக்க வேண்டும், அங்கு கூறப்படாத எல்லா கர்மாவையும் துலாபார விதியில் கூறியபடி அனுஷ்டிக்க வேண்டும் என சொல்லப்படுகிறது. இவ்வாறாக 96வது படலத்தின் கருத்து சுருக்கமாகும்.

1. பிறகு யானை தானத்தை பற்றி கூறுகிறேன். பிரம்மணோத்தமர்களே அந்த யானையானது தங்கத்தாலோ அல்லது வெள்ளியாலோ நிர்மாணிக்க வேண்டும்.

2. ஆயிரம் ஸ்வர்ணங்களாலோ, அல்லது ஐநூறு தங்கத்தாலோ அல்லது இருநூற்றி ஐம்பது தங்கத்தாலோ அல்லது நூற்றி இருபத்தி ஐந்து தங்கத்தாலோ அல்லது நூற்றிஎட்டு ஸுவர்ணங்களாலோ யானையை நிர்மாணிக்க வேண்டும்.

3. முன்பு போல் வேதிகை மண்டலம் நிர்மாணித்து இவற்றுடன் மண்டபத்தை நிர்மாணித்து அதன் நடுவில் யானையை பிரதிஷ்டை செய்து சந்தனம் புஷ்பம் இவைகளால் பூஜிக்க வேண்டும்.

4. முன்பு போல் சிவபூஜை செய்து விசேஷமாக ஹோமம் செய்ய வேண்டும். பிறகு சிவார்ப்பணமாக சிரத்தையுடன் சிவபக்தர்களுக்கு தானம் செய்ய வேண்டும்.

5. இதில் கூறாத எல்லாவற்றையும் துலாரோஹ விதிப்படி செய்ய வேண்டும்.

இவ்வாறு உத்தரகாமிக மஹாதந்திரத்தில் கஜதான விதியாகிற தொண்ணூற்றி ஆறாவது படலமாகும்.

படலம் 95: தங்க விருஷபதான முறை

95வது படலத்தில் தங்க விருஷபதான முறை சுருக்கமாக கூறப்படுகிறது. இங்கு ஆயிரம், ஐநூறு, இருநூத்தி ஐம்பது, நூற்றி இருபத்தி ஐந்து, நூறு இந்த அளவுள்ள நிஷ்கம் என்ற அளவு முறையில். தங்கத்தால் விருஷபம் செய்து அதன் நெற்றியில் ஸ்படிகத்தினால் அர்த்தசந்திராகாரமான ஆபரணமும் வெள்ளியால் குளம்பும், பத்மராக கல்லால் காதும், கோமேதக கல்லால் திமிழும், கழுத்தில் ரத்தினத்தால் அலங்கரிக்கப்பட்ட கண்டாமாலையும் செய்யவும். வேறு விருப்பத்திற்கு அங்கமாக சலங்கையும் செய்யவும் என கூறப்படுகிறது. பிறகு துலாரோஹதான முறைப்படி வேதிகை, மண்டலம், குண்டம் இவைகளுடன் கூடியதாக அமைத்து மண்டலம், அதன் மத்தியில் விருஷபரை மேற்கு முகமாக ஸ்தாபிக்கவும். விருஷப காயத்திரியால் பூஜிக்கவும் துலாரோகன விதியில் கூறப்பட்டுள்ளபடி சிவபூஜை ஹோமம் செய்யவும். பிறகு அங்கு பூஜித்த விருஷபரை சிவனுக்கும் சிவபக்தர்களுக்கும் கொடுக்கவும். பிறகு சமித்து, ஆஜ்ய, ஹவிஸ்சுடன், கூடி சாந்தி ஹோமமோ செய்யவும் என்று விசேஷமாக கூறப்படுகிறது. இங்கு கூறப்படாத கர்மாவை துலாபார முறைப்படி தேசிகன் அனுஷ்டிக்கவும் என்று தங்க விருஷப தான முறையில் செய்முறை விளக்கம் கூறப்படுகிறது. இவ்வாறாக 95வது படலத்தின் கருத்து சுருக்கமாகும்.

1. தங்கத்தால் செய்யப்பட்ட வ்ருஷபத்தின் தானம் இப்பொழுது சுருக்கமாக சொல்லப்படுகிறது. ஆயிரம் ஸ்வர்ணத்தாலோ ஆயிரம் நிஷ்கத்தாலோ அல்லது அதில் பாதியோ (ஐநூறு)

2. அதில் பாதி இருநூற்றி ஐம்பதோ அதில் பாதி நூற்றி இருபத்தி ஐந்தோ அல்லது நூற்றி எட்டு ஸ்வர்ணத்தாலோ லக்ஷணத்துடன் கூடிய வ்ருஷபத்தை நிர்மாணிக்க வேண்டும்.

3. நெற்றியில் ஸ்படிகத்தால் அஷ்டமீ சந்திரன் போன்ற ஒளி உள்ளதும் வெள்ளியால் ஆன குளம்பையும் பத்மராகத்தால் காதுகளிலும், தோள்பாகம் கோமேதகத்தாலும்

4. கழுத்தில் மணிகளின் மாலையையும் ரத்னங்களால் அலங்கரிக்கப்பட்டும் சலங்கை மாலைகளுடன் கூடியதாகவும் வ்ருஷபத்தின் அவயவங்களை நிர்மாணிக்க வேண்டும்.

5. முன்பு போல் வேதிகை, மண்டலத்துடன் மண்டபம் அமைத்து அதன் நடுவில் மேற்கு முகமாக வ்ருஷபத்தை வைக்க வேண்டும்.

6. வ்ருஷபத்தை காயத்ரி மந்திரத்தால் பூஜிக்க வேண்டும். வ்ருஷபத்தின் மேலே பரமேஸ்வரனை வைத்து முன்பு போல் சிவபூஜையையும் விசேஷமாக ஹோமத்தையும் செய்ய வேண்டும்.

7. ஆசார்யன் ஸமித்து, நெய், ஹவிஸ் இவற்றுடன் சாந்தி ஹோமத்தையோ செய்ய வேண்டும். மிகப் பெரியதான வ்ருஷபத்தை சிவனின் பொருட்டு சிவ பக்தர்களுக்கு தானம் செய்ய வேண்டும்.

8. இங்கு எது சொல்லப்படாமல் விடப்பட்டதோ அதை துலாபாரத்தில் கூறியபடி அனுஷ்டிக்க வேண்டும்.

இவ்வாறு உத்தரகாமிக மஹாதந்திரத்தில் தங்க வ்ருஷப தானம் செய்யும் முறையாகிய தொன்னூற்றைந்தாவது படலமாகும்.

படலம் 94: கன்னிகாதான முறை

94வது படலத்தில் கன்னிகாதான முறை கூறப்படுகிறது. பிறகு எல்லா தானத்திற்கும் மேன்மையான கன்னிகாதானம் கூறுகிறேன் என்று பிரதிக்ஞை செய்கிறார் யஜமானன். ஸர்வ லக்ஷணம் உடைய தோஷம் இல்லாத வேறு கோத்திரத்தில் உன்டான தனக்கு அனுகூலமான தினத்தில் பிறந்த கன்னிகையை அவர்களுடைய தந்தையரிடம் இருந்து சொல்லப்பட்ட முறைப்படி இவர்களின் மனதை அறிந்து தனம் முதலானவற்றை கொடுத்து ஸ்வீகரித்து அவளை தன்னுடைய புத்திரியாக ஆக்கி அவளுக்கு ஸ்னாநம் செய்வித்து, சந்தனம், புஷ்பம், ஆபரணங்களாலும் அலங்கரிக்கப்பட்டு முறைப்படி தானம் செய்யவும் என்று கன்யாதான முறை கூறப்படுகிறது. பிறகு துலாபார முறைப்படி வேதிகை குண்டம் மண்டலத்துடன் கூடிய மண்டபம் அமைத்து அதில் முறைப்படி செய்த ஹோமத்தினால் பரமேஸ்வரனை பூஜிக்கவும். பிறகு ஜோஸ்யரால் கூறப்பட்ட சாந்தம், சிவபக்தியுடன் கூடிய, வரனை ஈஸ்வர புத்தியோடு சந்தனம், புஷ்ப மாலைகளாலும், பஞ்சாங்க பூஷணங்களாலும் பூஜித்து அந்த வரனின் பொருட்டு வஸ்திரம் பூமி தனம், இவைகளுடன் கூடியதாகவும், வீட்டிற்கு உபயோகமான பொருளோடும், தாசி, தாசனுடன் கூடிய கன்னிகையை சிரத்தையோடு சிவனை ஸ்மரித்து கொடுக்கவும் என்று கன்னியாதான விதியில் செய்முறை விளக்கம் கூறப்படுகிறது. முடிவில் இவ்வாறு யார் கன்னிகாதானம் செய்கிறானோ அவன் கன்னிகையின் மேல் எவ்வளவு ரோமம் இருக்கிறதோ அவ்வளவு எண்ணிக்கை உள்ள நூறு வருஷம் சுகமாக இருப்பான் என்று பலஸ்ருதி கூறப்படுகிறது. இவ்வாறாக 94வது படலத்தின் கருத்து சுருக்கமாகும்.

1. எல்லா தானத்தை காட்டிலும் சிறந்ததான கன்யகா தானத்தை கூறுகிறேன். பிராம்மணோத்தமர்களே எல்லா லக்ஷணத்துடன் கூடியவரும் குற்றமற்றவளும்

2. வேறு கோத்ரத்தில் பிறந்தவளும் நல்ல சுப தினத்தில் பிறந்தவளுமான கன்னிகையை பணம் முதலியவைகளை கொடுத்து, பெண், மாப்பிள்ளை இவர்களின் முன்னோர் பேர்களை கூறி

3. ஒருவருக்கொருவர் மனம்புரிந்து கொண்டு பெண்ணை தன் சொந்த பெண்ணாக பாவித்து மங்கள ஸ்நானம் செய்வித்து சந்தனம், பூமாலை, ஆபரணங்கள் பட்டு புடவைகளுடனும்

4. அலங்கரித்து க்ருஹஸ்தாச்ரம தர்மத்தை அனுஷ்டிப்பதற்கு அனுகூலமாய் இருப்பதற்கு கன்யகா தானம் முறைப்படி செய்ய வேண்டும். முன்பு போல் வேதிகை மண்டலம் இவற்றுடன் கூடியதாய் மண்டபம் அமைத்து

5. அங்கு பரமேஸ்வரனை ஆராதித்து முன்பு போல் ஹோமம் செய்யவும். அமைதியானவரும் கன்யா தானத்திற்காக வரிக்கப்பட்டவரும் சிவபக்தியுள்ள வரனை

6. ஐந்து அங்கத்தின் அணிகலன்களுடன் கூடிய வரும் சந்தனம் புஷ்பமாலை இவைகளால் அலங்கரிக்கபட்டவரும் வஸ்திரம் பூமி ஐஸ்வர்யம் கூடி பரமேஸ்வரனாக பூஜித்து பாவித்து

7. வீட்டுக்கு வேண்டிய உபகரணங்களுடன் மிகவும் பொறுப்பாக வேலைகாரர்களுடன் கன்னிகையை சிவனாக பாவிக்கப்பட்ட வரனுக்கு கொடுக்க வேண்டும்.

8. பிராம்மனோத்தமர்களே! இவ்வாறாக எவன் கன்னிகா தானம் செய்கிறானோ அவனுடைய அந்த கன்னிகை சுகத்தை அடைகிறான். அந்த கன்னிகையின் சரீரத்தில் எவ்வளவு ரோமங்கள் உள்ளனவோ அந்த எண்ணிக்கையில் நூறு வர்ஷகாலம் சுகமாக இருக்கிறான்.

இவ்வாறு உத்தரகாமிக மஹாதந்திரத்தில் கன்யாதானம் செய்யும் முறையாகிற தொன்னூற்றி நான்காவது படலமாகும்.

படலம் 93: தங்கக்குதிரை தானம் செய்யும் முறை

93வது படலத்தின் தங்கக்குதிரை தானம் செய்யும் முறை கூறப்படுகிறது. முதலில் இந்த ஆகமத்தில் வெற்றிக்காக சொல்லப்பட்ட தங்க குதிரை தானம், பத்தாயிரம் அஸ்வமேதயாக பலத்தைவிட உயர்ந்ததான பலத்தை கொடுக்கும் என கூறப்படுகிறது. பிறகு ஆயிரத்தி எட்டு, ஐநூற்றி நான்கு, 52, 108 கணக்குள்ள தங்கத்தால் லக்ஷணத்துடன் கூடிய குதிரை செய்து, அதன்மேல் வெள்ளியால் பஞ்ச கல்யாணம் என்ற அங்க அழகை செய்யவும். பிறகு துலாபாரதான முறைப்படி வேதிகை, குண்டம், மண்டலம் அமைத்து அதன் மத்தியில், தங்கத்தால் செய்யப்பட்டதும் ஸர்வ அலங்காரம் உடையதுமான அந்த குதிரையில் உச்சை ஸ்ரவஸ் என்று பெயர் இட்டு பூஜிக்க, மண்டல பூஜை, ஹோமம், கலசஸ்தாபனம் முதலியவை துலாரோஹண முறைப்படி செய்து, இந்திர புத்தியுடன் சந்தனம், முதலியவைகளால் பூஜித்து பிராம்ணர்களுக்கு ஐந்து நிஷ்கம் தங்க தானம் செய்து அந்த குதிரையை தானம் செய்யவும். ஏழை, குருடு, கருமி, அனாதை இவர்களுக்கு உணவு அளித்தல் முதலியவைகளால் சந்தோஷிக்கவும் என கூறப்படுகிறது. இவ்வாறு 93வது படலத்தின் கருத்து சுருக்கமாகும்.

1. வெற்றிக்காக தங்க குதிரை தானம் பற்றி கூறப்படுகிறது. பத்தாயிரம் அச்வமேத யாக பலனைவிட மிகவும் உயர்ந்ததாக கூறப்படுகிறது.

2. ஆயிரத்தெட்டு அதில்பாதி ஐநூறு, அதில் பாதி இருநூற்றி ஐம்பது, அல்லது நூற்றி எட்டு அளவுள்ள தங்கத்தினால் லக்ஷணத்துடன் கூடியதாக குதிரையை அமைக்க வேண்டும்.

3. வெள்ளியால் பஞ்ச கல்யாணி அடையாளத்தை செய்யவும், கலைகளால் எல்லா அலங்காரத்துடன் கூடியதாகவும்,

4. வேதிகை மண்டலத்துடன் முன்புபோல் மண்டபம் தீர்மானித்து அதன் நடுவில் உச்சை ச்ரவஸ் என்று பெயருள்ள குதிரையை செய்து வைக்க வேண்டும்.

5. சந்தனம் புஷ்பம் முதலியவைகளால் பூஜித்து பிராம்மணர்களுக்கு குதிரையை கொடுக்கவும். பிராம்மணர்களை தேவேந்திரனாக பாவித்து ஐந்து நிஷ்கம் தங்கத்தை கொடுக்க வேண்டும்.

6. ஏழை குருடானவன், கருமி, அனாதை இவர்களை உணவு முதலியவைகளால் திருப்தி செய்து, மண்டலார்ச்சனை, கலசஸ்தாபனம் ஹோமம் முதலியவற்றை செய்ய வேண்டும்.

இவ்வாறு உத்தரகாமிக மஹாதந்திரத்தில் ஹிரண்யாச்வப்ரதான முறையாகிய தொன்னூற்றி மூன்றாவது படலமாகும்.

படலம் 92: ஆயிரம் பசுக்கள் தானம் செய்யும் முறை

92வது படலத்தில் ஆயிரம் பசு தானம் செய்யும் முறை கூறப்படுகிறது. முதலில் ஸித்தியின் பொருட்டு ஆயிரம் எண்ணிக்கை உள்ள பசுக்களின் தானம் கூறுகிறேன் என்பது பிரதிக்ஞை. கன்றுக் குட்டியுடன் கூடியதும் நல்ல குணங்களை உடையதுமான பசுக்களை தானம் செய்ய ஏற்றுக்கொள்ளப்படவேண்டும். அவைகளில் நல்ல குணமுடைய எட்டு பசுக்களை பூஜிக்கவும் அவைகளின் கொம்புகளில் நிஷ்க அளவுடைய தங்கமும் வெள்ளிக் குளம்பும் கழுத்தில் தங்கத்தால் நிஷ்க அளவுள்ள பட்டையும் கட்டி அவைகளுக்கு புல் கொடுக்கவும் என கூறப்படுகிறது. துலாரோஹண விதிப்படி வேதிகை, மண்டலம், குண்டம் இவைகளுடன் கூடிய மண்டபம் அமைக்கவும். துலாபார முறைப்படி சிவ ஆராதனமும் ஹோமமும் செய்யவும். பரமேஸ்வரனுக்கு ஸஹஸ்ர கலச அபிஷேகம் செய்து பெரிய பூஜை செய்யவும். பிறகு சிவனுக்கும், சிவ பிராம்ணர்களுக்கும் தட்சிணைகளுடன் கூடிய பசுக்களை கொடுக்க வேண்டும் என கூறி தட்சிணை கூறப்படுகிறது. பிறகு தான காலத்தில் கர்த்தா சொல்ல வேண்டிய ஸ்லோகம் சொல்லப்படுகிறது. முடிவில் இங்கு சொல்லப்படாத எந்த கர்மா உண்டோ அதை துலாரோஹண முறைப்படி செய்யவும் என கூறப்படுகிறது. இவ்வாறாக 92வது படலத்தின் கருத்து சுருக்கமாகும்.

1. விருப்பத்தையடையும் பொருட்டு ஆயிரம் எண்ணிக்கையுள்ள பசுக்களை தானம் செய்யும் முறைப்பற்றி கூறுகிறேன். அவைகள் கன்று குட்டியுடனும் நல்ல குணத்துடனும் உள்ளதாகவே ஏற்கப்பட வேண்டும்.

2. எட்டு பசுக்களை கீழ்கண்டவாறு பூஜிக்கவும். ஒவ்வொரு கொம்பிலும் நிஷ்க அளவு ஸ்வர்ணத்தால் கொம்பும் வெள்ளியால் குளம்புமோ கட்டப்படவேண்டும்.

3. கழுத்தில் நிஷ்க அளவால் தங்கப்பட்டம் கட்டி பயிர்களை கொடுக்கவும். வேதிகை மண்டலத்துடன் கூடியதாக மண்டபம் அமைத்து

4. முன்பு போல் சிவபூஜையையும் ஹோமத்தையும் செய்ய வேண்டும். பிறகு சிவனுக்கு ஆயிரத்தி எட்டு கலசங்களால் ஸ்நபனம் செய்ய வேண்டும்.

5. சிவனின் பொருட்டு (சிவனுக்காக) ஆதி சைவர்களுக்கு தட்சிணையுடன் கூடியதாக பசுவை தானம் செய்யவும். தட்சிணையானது பத்து நிஷ்கமோ அதில் பாதி 5, அதில் பாதியோ (இரண்டரை), ஒரு நிஷ்கமோ கொடுக்க வேண்டும்.

6. கர்த்தாவானவன் தானம் செய்யும் காலத்தில் இந்த ஸ்தோத்ரத்தை சொல்ல வேண்டுமென கூறப்படுகிறது. காவோ மமாக்ரத நித்யம், காவ ப்ருஷ்டத ஏவ மே (பசுக்கள் நித்யம் என் முன்னாலும் பின்னாலும் நிற்கட்டும்)

7. (பசுக்கள் ஹ்ருதயத்தில் நித்யமிருக்கட்டும், பசுக்களின் மத்தியில் நான் வசிக்கிறேன்) காவோ மே ஹ்ருதயம் நித்யம் கவாம் மத்யே வஸாம்யகம் என்று கூறவும். இங்கு சொல்லப்படாத க்ரியையை துலாபார விதியில் சொல்லப்பட்டுள்ளபடி செய்ய வேண்டும்.

இவ்வாறு உத்தரகாமிக மஹாதந்திரத்தில் ஸஹஸ்ர கோதானம் செய்யும் முறையாகிற தொன்னூற்றி இரண்டாவது படலமாகும்.

படலம் 91: திலதேனுதான விதி

91வது படலத்தில் திலதேனுதான விதி கூறப்படுகிறது. பிறகு எல்லா விருப்பத்தையும் கொடுக்கக்கூடிய திலதேனு தான விதி கூறுகிறேன் என்பது பிரதிக்ஞை. துலாரோஹண முறைப்படி வேதிகை, குண்டம், மண்டலம் இவைகளுடன் கூடிய மண்டபம் அமைக்கவும். மண்டபத்திற்கு முன்பாக, 8 மரக்காலாமோ 8 படியாலோ எள்ளினால் எள்ளு ரூபமான தாமரை அமைக்கவும். அந்த எள் தாமரையை வஸ்திரத்தால் மூடி அதற்கு மத்தியில் மூன்று, பத்து நிஷ்கம், பதினைந்து நிஷ்கம் ஏழரை நிஷ்கம் இந்த அளவினாலோ அல்லது ஐந்து நிஷ்கத்தினாலோ தங்கத்தினால் கர்ணிகை என்கிற பாகம் தண்டு இவைகளால் அலங்கரிக்கப்பட்ட தங்க தாமரை செய்து வைக்கவும். அதற்கு வடக்கு பாகத்தில் 11 பிராம்ணர்களை 11 ருத்திரர்களாக ஸ்மரித்து ஆவாஹணம் செய்து பூஜிக்கவும். கிழக்கு பாகத்தில் 12 பிராம்ணர்களை 12 சூரியன் மந்திரங்களால் பூஜிக்கவும். தெற்கு பாகத்தில் 8 பிராம்ணர்களை வித்யேஸ்வரர்களாக நினைத்து பூஜிக்கவும். பிறகு 16 நபர் என்று கூறி நினைக்க வேண்டும் என்பதாக தேவதைகளின் பெயரை கூறாமல் 16 பிராம்ணர்களை வித்யேஸ்வரர்களுடன் கூட தெற்கு பாகத்தில் பூஜிக்க வேண்டும் என கூறப்படுகிறது. இந்த படலத்தில் 12வது ஸ்லோகத்தில் மூர்த்தி வித்யேச தானந்து என்று கூறப்படுவதால் இங்கு மூர்த்திகளையும் பூஜிக்க வேண்டும் என தெரிகிறது. ஆனால் அந்த மூர்த்திகள் யார் யார் என்று விளக்கப்படவில்லை. பிறகு முன்பு குறிப்பிட்டுள்ளபடி அந்தந்த மந்திரங்களால் பூஜை செய்து அந்த பிராம்ணர்களுக்கு வஸ்திரம், பஞ்சாங்க பூஷணம் முதலியவைகள் கொடுக்க வேண்டும், பிறகு ஒவ்வொருவர்களுக்கும் புதிய வஸ்திரத்தில் 1 படி அளவு எள்ளை வைத்து அந்த எள்ளுடன் கூடிய வஸ்த்திரத்தை வெங்கல பாத்திரத்தில் வைத்து அந்த பாத்திரத்தை, கரும்பு புதிய பழங்கள் இவைகளுடன் தங்க கொம்பு, வெள்ளிக்கொம்பு, இவை உடைய ஆரோக்யமான் பசுவை அந்த பிராம்ணர்களுக்கு கொடுக்க வேண்டும். துலாரோஹன விதியில் கூறப்பட்டுள்ளபடி சாதாரண பூஜை, ஹோமம், பரமேஸ்வரர் விஷயத்தில், ஸஹஸ்ர கலசங்களால் ஸ்நபனம் மஹாபூஜை செய்ய வேண்டும் என கூறப்படுகிறது. இங்கு ருத்திரன், சூரியன், வித்யேஸ்வரன் மூர்த்தி ஆகியவர்களின் தானங்களில் ஒரு வர்கத்தின் தானத்தையே செய்யவும் என்று வேறுமுறை கூறப்படுகிறது. இங்கு சொல்லப்படாததை துலாபார முறைப்படி செய்யவும் என கூறப்படுகிறது. இவ்வாறாக 91வது படலத்தின் கருத்து சுருக்கமாகும்.

1. எள்ளையும் பசுவையும் தானம் செய்யும் முறையை கூறுகிறேன். அது எல்லா விருப்பத்தையும் பூர்த்தி செய்யும். வேதிகை மண்டலத்துடன் முன்பு போல் நிர்மாணிக்க வேண்டும்.

2. அந்த மண்டபத்தின் முனையில் எள்மயமான தாமரையை நிர்மாணிக்கவும். எள்ளின் அளவு எட்டு மரக்கால் அல்லது பாரம் என்ற ஓர் அளவை உடையதாகும்.

3. வஸ்திரங்களால் அதை மறைத்து அதன் நடுவில் முப்பது நிஷ்க அளவோ அதில் பாதி அளவோ தங்கத்தாலோ

4. ஐந்து நிஷ்க அளவு தங்கத்தாலோ கர்ணிகை, காம்பு இவைகளுடன் கூடியதான தங்க தாமரையை வைக்க வேண்டும். அதன் வடக்கு திசையில் ருத்ர ஸங்க்யையாகிற பதினோரு பிராம்மணர்களை

5. பதினோரு ருத்ரர்களாக பாவித்து ஆவாஹனம் செய்து பூஜிக்க வேண்டும். கிழக்கு திசையில் பன்னிரெண்டு பிராம்மணர்களையும் அதன் மந்திரங்களால் பூஜிக்க வேண்டும்.

6. தெற்கில் எட்டு வித்யேச்வர ரூபமான வித்வான்களான எட்டு நபர்களை பிராம்மணர்களை பூஜிக்க வேண்டும். நான்கு திசைகளிலும் பதினாறு பிராம்மணர்களை சந்தனம் முதலியவைகளால் பூஜிக்க வேண்டும்.

7. அந்தந்த மந்திரங்களால் வஸ்திரத்தையும், ஆவரணதேவதைகளையும் பூஜித்து கண்டம், கைகள், காதுகளில் ஆபரணங்களுடன் கூடிய பிராம்மணர்களுக்கு

8. புது வஸ்த்ரம் ஸமர்ப்பித்து வெண்கல பாத்திரத்தில் மரக்கால் அளவு எள்ளை வைத்து ஒன்பது விதமான பழங்களுடன்

9. கரும்பையும் பசுவையும் தானம் செய்ய வேண்டும். தானம் செய்யப்படும் பசுவானது தங்க கொம்புகளுடன் கூடியதாகவும் வ்யாதி இல்லாததாகவும் வெள்ளி மயமான குளம்புகளை உடையதாகவும்

10. ஒவ்வொரு கொம்பிலும் ஒரு நிஷ்க பிரமாணம் தங்கமும் இரண்டு நிஷ்க பிரமாண தங்கத்துடன் குளம்பும் இருக்க வேண்டும். முன்பு போல் வேதிகை, மண்டலத்துடன் கூடின மண்டபத்தை நிர்மாணிக்க வேண்டும்.

11. முன்பு போல் பூஜை, ஹோமமும் அபிஷேகம் முதலியவைகளும் செய்ய வேண்டும். பதினோரு ருத்ரதானமும் பனிரெண்டு சூர்யதானமும்

12. அஷ்ட வித்யேசதானமும் அதன் அதிகரிப்பால் செய்ய வேண்டும். கழுத்து காதுகள் கைகள் முதலிய பஞ்ச அங்கங்களிலும் ஐந்து நிஷ்க அளவு தங்கத்தால் ஆபரணம் செய்ய வேண்டும்.

13. முன்பு போல் ஆசார்யனுக்கு கூறியபடி தட்சிணையை கொடுக்க வேண்டும்.

இவ்வாறு உத்தரகாமிக மஹாதந்திரத்தில் திலதேனு தானம் செய்யும் முறையாகிற தொன்னூற்றொன்றாவது படலமாகும்.

படலம் 90: லட்சுமி தான முறை

90வது படலத்தில் லட்சுமிதான முறை கூறப்படுகிறது. முதலில் அதிகமான ஐஸ்வர்ய ஸித்திக்காக. லட்சுமிதானம் பற்றி கூறுகிறேன் என்பது பிரதிக்ஞை. முதலில் ஆயிரம், ஐநூறு, இருநூற்றி ஐம்பது நூற்றி இருபத்தி ஐந்து, நூற்றி எட்டு, இந்த கணக்குள்ள நிஷ்கம் என்ற அளவுள்ள தங்கத்தினால் லக்ஷண முறைப்படி லட்சுமிதேவி அமைக்கவும். பிறகு அந்த லக்ஷ்மியை துலாரோஹன முறைப்படி வேதிகை, மண்டலம், குண்டம் இவைகளுடன் கூடியதான மண்டபம் அமைத்து அந்த மண்டபத்தில் விஷ்ணுவின் இடது பாகத்தில் எவ்வாறு உள்ளதோ அவ்வாறு அமைக்கவும் லட்சுமியை ஸ்ரீமந்திரம் அல்லது ஸ்ரீசூக்தத்தினாலோ அவ்வாறே மகாவிஷ்ணுவை விஷ்ணு காயத்திரியால் சந்தனம், புஷ்பம் இவைகளால் அர்ச்சனை செய்ய வேண்டும். துலாரோஹதான முறைப்படி சிவபூஜை ஹோமம் பரமேஸ்வரனுக்கு ஆயிரம் கலசம் இவைகளால் ஸ்நபனம் மஹாபூஜை செய்யவும் என கூறப்படுகிறது. அங்கு அக்னியில் ஹோமமோ செய்யலாம் என வேறு விதமாக கூறப்படுகிறது. இங்கு சொல்லப்படாத கிரியையை துலாபார முறைப்படி செய்யவும் என கிரியையின் விஷயம் கூறப்படுகிறது. இவ்வாறு 90வது படல கருத்து சுருக்கமாகும்.

1. விசேஷமான ஐஸ்வர்யத்தை உடைய லக்ஷ்மி தேவியின் தானத்தைக் கூறுகிறேன். ஆயிரம் ஸ்வர்ணத்தாலோ அல்லது அதில் பாதியான ஐநூறு தங்கத்தாலோ அல்லது அதிலும் பாதியான இருநூற்றி ஐம்பது சுவர்ணத்தாலோ

2. அல்லது அதிலும் பாதியான நூற்றி இருபத்தி ஐந்து சுவர்ணத்தாலோ லக்ஷணத்துடன் கூடிய மஹாலக்ஷ்மியை நிர்மாணிக்க வேண்டும். நூற்றி எட்டு நிஷ்கங்களாலும் இந்த மஹா லக்ஷ்மியை நிர்மாணம் செய்யலாம்.

3. முன்பு கூறியதைப்போல் வேதிகையுடன் மண்டலத்துடன் மண்டபத்தை நிர்மாணித்து அதில் மஹாவிஷ்ணுவையும் விஷ்ணுவின் இடது பாகத்தில் மஹாலக்ஷ்மியையும் ஸ்தாபிக்க வேண்டும்.

4. மஹாலக்ஷ்மியின் மந்திரத்தாலோ அல்லது ஸ்ரீ ஸூக்தத்தினாலோ அர்ச்சித்து, பூஜிக்க வேண்டும். மஹா விஷ்ணுவை, விஷ்ணு காயத்ரீ மந்திரத்தால் சந்தனம் புஷ்பம் இவைகளால் அர்ச்சிக்க வேண்டும்.

5. சிவபூஜை செய்து விசேஷமாக ஹோமத்தை செய்ய வேண்டும். ஆசார்யன் முன்பு கூறிய வண்ணம் ஒரே ஹோமமாக விஷ்ணு, மஹாலக்ஷ்மி இவர்களுக்குச் செய்ய வேண்டும்.

6. ஸ்வாமிக்கு ஆயிரம் கலசங்களால் ஸ்நபனம் செய்து பூஜித்து அபிஷேகம் செய்ய வேண்டும். ஏதாவது கூறப்படாமல் இருந்தால் முன்பு கூறியதைப் போல் செய்யவேண்டும்.

இவ்வாறு உத்தரகாமிக மஹாதந்திரத்தில் லட்சுமி தான விதியாகிற தொண்ணூறாவது படலமாகும்.

படலம் 89: ஹேமதேனு தான முறை

89வது படலத்தில் ஸ்வர்ண தேனு தானமுறை கூறப்படுகிறது. முதலில் எல்லா பயத்தையும் துர்பிக்ஷத்தையும் போக்கக்கூடிய ஸ்வர்ண தேனு தானம் கூறுகிறேன் என்பது பிரதிக்ஞை. பிறகு ஆயிரம், ஐநூறு, இரு நூற்றி ஐம்பது, நூறு, இந்த எண்ணிக்கை உள்ள நிஷ்க்கம் என்ற அளவுள்ள தங்கத்தினால் ஸர்வலக்ஷணத்துடன் கூடிய பசுவை அமைக்கவும். பசுவின் கொம்பு முதலான அங்கங்களில் நவரத்தினங்களால் அலங்காரம் செய்யவும். பசுவின் பத்தில் ஒரு பாகத்தில் கன்று குட்டி உருவம் அமைக்கவும் என்று கன்றுகுட்டியுடன் கூடிய பசுவின் உருவ அமைப்பு முறை கூறப்படுகிறது. பிறகு ஆசார்யன் துலாரோஹ முறைப்படி வேதிகை மண்டலத்துடன் கூடிய மண்டபம் அமைத்து அதன் நடுவில் கன்றுடன் கூடிய பசுவை வைத்து இரு வஸ்த்திரங்களால் போர்த்தவும் தேனு காயத்திரியால் சந்தனம், புஷ்பம் இவைகளால் தேனுவை பூஜிக்கவும். துலாபார முறைப்படி சாமான்ய பூஜை ஹோமம் செய்யவும். பிறகு பரமேஸ்வரனை ஆயிரம் கலசம் முதலான கலசங்களால் கலசாபிஷேகம் செய்து மஹாபூஜை செய்யவும் என கூறப்படுகிறது. இங்கு ஹோம விஷயத்தில் சமித்து, நெய், ஹவிஸ், இவைகளால் ஒரு அக்னி ஹோமம் செய்யவும் என்று ஒரு அக்னி ஹோமம் செய்யும் விஷயத்தில் குருவிற்கு தட்சிணை கொடுக்கும் விஷயம் பற்றி கூறப்படுகிறது. முடிவில் இங்கு சொல்லப்படாத கர்மா எது உண்டோ அதை துலாபார முறைப்படி செய்யவும். இவ்வாறு 89வது படலத்தின் கருத்து சுருக்கமாகும்.

1. தங்க பசு தானத்தை கிரமமாக சுருக்கமாக கூறுகிறேன். எல்லாவித பாபங்கள், எல்லாவித பயங்கள் துர்பிக்ஷம் (பஞ்சம்) இவற்றை நாசம் செய்ய வேண்டும்.

2. ஆயிரம் தங்கத்தாலோ அல்லது அதில் பாதியான ஐநூறு தங்கத்திலோ அதில் பாதியான இரு நூற்று ஐம்பது தங்கத்திலோ அல்லது நூறு தங்கத்தாலோ

3. எல்லா லக்ஷணங்களோடு பசுவின் ரூபத்தை வித்வான் செய்ய வேண்டும். பத்மராகத்தை கொம்பின் நுனியிலும் வஜ்ரத்தை குளம்பின் நுனியிலும் வைக்க கூறப்படுகிறது.

4. முத்துவை நெற்றியின் நடுவிலும் வைடூர்யத்தை வால் இருக்குமிடத்திலும் புஷ்பராகத்தை பல்லுக்காகவும் அறிந்தவன் செய்ய வேண்டும்.

5. பசுமாடு இந்த விதமாக செய்து அதில் 10ல் ஓர் பாகம் கன்றுகுட்டி அதைபோல் செய்து முன்புபோல் மண்டபத்தை அடைவிக்க வேண்டும்.

6. மண்டலத்தோடு கூடின வேதிகை அதன் நடுவில் பசுமாட்டை வைக்கவும். தேசிகோத்தமர் கன்று குட்டியோடு கூடிய பசுவை இரண்டு வஸ்திரங்களினால் சுத்த வேண்டும்.

7. அதன் காயத்ரியினால் சந்தன புஷ்பங்களினால் பூஜிக்க வேண்டும். கும்பம், குண்டம் இவற்றிற்கு விசேஷமாக (அர்ச்சனை) பூஜையை செய்ய வேண்டும்.

8. பிறகு ஓர் அக்னி முறையில் ஸமித், நெய் ஹவிஸ்ஸோடு பால் முதலியவைகளினால் 1000 ஆயிரம் கலசங்களினால் தேவனை பூஜிக்க வேண்டும்.

9. ஓர் குண்ட முறையில் குருவுக்கு முப்பது நிஷ்கம் என அறியவும், இதில் கூறப்படாதவைகளை துலா ரோஹ விதியில் கூறப்பட்டுள்ளபடி செய்ய வேண்டும்.

இவ்வாறு உத்தரகாமிக மஹாதந்திரத்தில் ஹேமதேனு தான விதியாகிற எண்பத்தி ஒன்பதாவது படலமாகும்.

படலம் 88: கணேச தான முறை

88வது படலத்தில் கணேச தான முறை கூறப்படுகிறது. முதலில் எல்லா பாபங்களையும் போக்கக்கூடிய கணேச தான முறை கூறுகிறேன் என்பது பிரதிக்ஞை. ஆசார்யன் துலாரோஹ முறைப்படி வேதிகை, மண்டலம், குண்டம் இவைகளுடன் கூடிய மண்டலம் அமைக்கவும். அதன் நடுவில் லோக பாலகர்களுடன் கூடியதாக பரமேஸ்வரனை பூஜிக்கவும். அதற்கு வெளியில் 8 திக்கிலும் ஸ்வர்ணத்தால் செய்யப்பட்ட வினாயகர்களை ஸ்தாபிக்கவும். பிறகு ஆசார்யன் சந்தனம், புஷ்பம் இவைகளால் மூன்றாவது ஆவரணத்தில் உள்ள வினாயகர்களுடன் கூடியதான அந்த மூர்த்திகளை பூஜிக்கவும். பிரதான குண்டத்தில் ஸ்வாமியை பூஜிக்கவும். மற்ற 8 குண்டங்களில் வினாயகரை பூஜித்து ஹோமம் செய்யவும் என ஹோம விதி நிரூபிக்கப்படுகிறது. பிறகு ஈசான முதலான ஏழுதிக்குகளில் ஏழு பிராம்ணர்களையும் வடக்கு திக்கில் ஒரு கன்னிகையும் ஸ்தாபித்து சந்தன, புஷ்பங்களால் ஆசார்யன் பூஜிக்க வேண்டும். பூஜிக்கப்பட்ட அவர்களுடன் அந்தந்த மந்திரங்களால் வரிசையாக விக்னேஸ்வரர்களை கொடுக்க வேண்டும். இங்கு எந்த கர்மா கூறப்படாததாக உள்ளதோ அதை துலாரோஹ முறைப்படி செய்யப்பட வேண்டும் என செயல்முறை விளக்கம் கூறப்படுகிறது. இவ்வாறு 88வது படலத்தின் கருத்து சுருக்கமாகும்.

1. எல்லா பாபங்களையும் போக்கக்கூடிய கணேச தானத்தை கூறுகிறேன். முன்புபோல் வேதிகை, மண்டலத்துடன் கூடிய மண்டபம் அமைக்க வேண்டும்.

2. அதன் நடுவில் திக்பாலர்களுடன் கூடிய கணேசரை ஆராதிக்க வேண்டும். அதன் வெளியில் கணேசரின் அஷ்ட வித்யேசர்களை பூஜிக்க வேண்டும்.

3. அவர்கள் அனைவரையும் தங்கத்தால் நிர்மாணிக்க வேண்டும். மூன்றாவது ஆவரணத்துடன் கூடிய கணேசர்களை சந்தனம் புஷ்பமிவைகளால் அலங்கரித்து

4. பிரதானத்தில் கணபதியை உத்தேசித்து ஹோமமும், எட்டு திசைகளிலும் வித்யேசர்களை பூஜித்து ஈசானம் முதலான எட்டு திக்குகளிலும் ஏழு பிராம்மணர்களை பூஜிக்க வேண்டும்.

5. வடக்கு திக்கில் ஆசார்யன் கன்னிகையை சந்தனம் புஷ்பம் முதலியவைகளால் பூஜித்து பிறகு ப்ராம்மணர்களுக்கு அந்தந்த மந்திரங்களைச் சொல்லி மஹாகணபதியை தானம் செய்ய வேண்டும்.

6. இதில் கூறப்படாதது ஏதாவது இருந்தால் துலாரோஹண விதியில் கூறிய முறைப்படி செய்ய வேண்டும்.

இவ்வாறு உத்தரகாமிக மஹாதந்திரத்தில் கணேச தான விதியாகிற எண்பத்தி எட்டாவது படலமாகும்.

படலம் 87: கற்பக விருக்ஷ தான விதி

87வது படலத்தில் கற்பக விருக்ஷ தான விதி கூறப்படுகிறது. முதலில் நூறு நிஷ்க ஸ்வர்ணத்தினால் கற்பக விருக்ஷம் அமைக்கும் முறை நிரூபிக்கப்படுகிறது. முதலில் கற்பக விருக்ஷம் பல கிளைகளை உடையதாகவும் பத்திர புஷ்ப ஸமன்விதமாகவும் பல பழங்களை உடையதாகவும் அமைக்கப்பட வேண்டும். இங்கு கல்பக விருக்ஷத்தின் அங்கங்களான குச்சி, கிளை, பக்க கிளைகள் இலை, துளிர், முதலியவைகள் எல்லாம் நவரத்தினங்களால் செய்யப்பட வேண்டும் என்று கூறப்படுகிறது. கலபக விருக்ஷத்தின் மேடை ஸ்படிகத்தினால் செய்ய வேண்டும். விருக்ஷத்திற்கு ஒரு முழ அளவே உயரமாக செய்யவேண்டும் என கூறப்படுகிறது. துலாரோஹ விதியில் கூறிப்பட்டுள்ளபடி வேதிகை, மண்டலம், குண்டம் இவைகளுடன் கூடிய மண்டபம் அமைக்கவும். அதன் மத்தியில் கற்பக விருக்ஷத்தை ஸ்தாபித்து கற்பக விருக்ஷத்தின் அடியில் லோக பாலகர்களுடன் கூடியதாகிய லிங்கம் அமைக்கவும். லோக பாலகர்களுடன் கூடிய ஈஸ்வரனை ஆசார்யன் முறைப்படி பூஜிக்கவும். பிறகு ஈஸ்வரனின் பொருட்டும், சிவபக்தர்களுக்கும் கல்பக விருக்ஷம் தானம் செய்யப்பட வேண்டும். இங்கு சொல்லப்படாத கர்மாவை துலாரோக விதிப்படி செய்யவும். இவ்வாறு 87வது படலகருத்து சுருக்கமாகும்.

1. கல்பக மர தானத்தைக் கூற இருக்கிறேன், நூறு நிஷ்க தங்கத்தால் மரத்தை

2. பல கிளைகளுடன் கூடியதும் இலை, புஷ்பங்களுடன் கூடியதும், பல விதமான பழங்களுடன் கூடியதும், நல்ல அழகுடன் கூடியதுமான

3. கற்பக வ்ருக்ஷத்தை நிர்மாணிக்க வேண்டும். அதன் கிளைகளில் முத்துக்களால் செய்யப்பட்ட மாலையும் தொங்கவிட்டு மரகதத்தால் பட்டைகளை விசித்ரமாக நிர்மாணிக்க வேண்டும்.

4. பவழங்களால் தளிர்களை தயாரிக்க வேண்டும். பத்மராகத்தால் விதவிதமான பழங்களை நிர்மாணிக்க வேண்டும்.

5. கல்ப விருக்ஷத்தின் அடிபாகத்தை, நீலக் கற்களால், நிர்மாணிக்கவும். அடிக்கிளையை வைரத்தால் தயாரிக்கவும், மரத்தின் நுனியை வைடூரியத்தாலும், புஷ்யராகத்தாலும்

6. மரத்தின் உச்சியை, கோமேகத்தால் செய்யவும். மரத்தின் மேல் கிளையை சூர்ய காந்த கற்களாலோ

7. கல்பக விருக்ஷத்தின் வேதியை சந்திர காந்தக் கற்களாலோ அல்லது ஸ்படிகத்தாலோ நிர்மாணிக்கவும். கல்பக விருக்ஷத்தின் உயரம் (சுற்றளவு) சாண் (குறிப்பு விதஸ்தி பெருவிரலுடன் பரப்பப்பட்ட விரல்கள் உள்ள இடம்)

8. எட்டு கிளைகளின் அளவும், விஸ்தரிப்பும் மேல் நோக்கி இருக்க வேண்டும். கல்பக வ்ருக்ஷத்தின் அடியில் திக்பாலர்களுடன் கூடிய சிவலிங்கத்தை ஸ்தாபிக்க வேண்டும்.

9. வேதிகையும், மண்டபத்தை நிர்மானித்து மண்டலத்துடன் கூடியதாகவோ அல்லது மண்டலம் இல்லாமலோ அதன் நடுவில் கல்பக விருக்ஷத்தை ஸ்தாபித்து

10. திக்பாலர்களின் ஆவரணங்களுடன் கூடிய பரமேஸ்வரனை பூஜிக்க வேண்டும். சிவார்ப்பணம் செய்து கல்பக விருக்ஷத்தை சிவாம்சமான சிவபக்தர்களுக்கு தானம் செய்ய வேண்டும்.

11. இங்கு சொல்லப்படாததை துலாபாரத்தில் கூறியது போல் செய்ய வேண்டும்.

இவ்வாறு உத்தரகாமிக மஹாதந்திரத்தில் கல்பதான விதியாகிற எண்பத்தி ஏழாவது படலமாகும்.

படலம் 86: தங்க பூமி தான முறை

86வது படலத்தின் ஸ்வர்ண பூமிதானம் முறை கூறப்படுகிறது. பிறகு 7 த்வீபம், 7 சமுத்திரம், பர்வதம் இவைகளோடு கூடியதும் எல்லா தீர்த்தத்தோடு கூடியதும் மத்தியில் மேருமலையுடன் கூடியதான பூமியை ஆயிரம், தங்கங்களால் ஒரு முழங்கை அளவு செய்து அதை 9 கண்டமாக்கி பல முனிவர்கள் கூடியதாக பாவிக்கவும். துலாரோக முறைப்படி பூஜை ஹோமம் செய்யவும். மேருமலை முதலியவைகள் அந்தந்த பீஜமந்திரத்தினால் வரையவும். பரமேஸ்வரனை துலாரோஹன முறைப்படி ஆயிரம் கலசம் முதலியவைகளால் ஸ்நபனம் செய்து மஹாபூஜை செய்யவும், பிறகு அந்த பூமியை, சிவன் முதலானவர்களுக்கு கொடுக்கவும் என்று செயல்முறை விளக்கம் கூறப்படுகிறது. இவ்வாறாக 86வது படலத்தின் கருத்து சுருக்கமாகும்.

1. தங்கமயமான பூமிதானத்தை கூறுகிறேன், ப்ராம்மணோத்தமர்களே, ஆயிரம் ஸ்வர்ணங்களால் நான்கு மூலைகளுடன் கூடியதும்

2. ஒரு முழ அளவுள்ளதும் ஏழு தீவுகளுடன் கூடியதும் ஸமுத்ரம், மலைகளுடனும் எல்லா தீர்த்தங்களுடன் கூடியதும்

3. நடுவில் மேரு பர்வதத்துடனும் கூடியதும் அழகாகவும் பல முனிவர்களுடனும் ஒன்பது கண்டங்கள் நிறைந்ததாகவும் உள்ள பூமியை நிர்மாணிக்க வேண்டும்.

4. முன்போலவே தேவபூஜையும் ஹோமமும் செய்ய வேண்டும். மேரு முதலியவைகளை அதன் பீஜாக்ஷரங்களால் ஆசார்யன் பூஜிக்க வேண்டும்.

5. பரமேஸ்வரனுக்கு ஆயிரம் கலசங்களால் அபிஷேகம் செய்யவும். முன்பு கூறியது போல் பூஜைகளை செய்ய வேண்டும்.

6. தங்கமயமான பூமியானது, சிவஸ்வரூபமாக விளங்கும் பெரியோர்களுக்கு தானமாக அர்ப்பணிக்க வேண்டும்.

இவ்வாறு உத்தரகாமிக மஹாதந்திரத்தில் சுவர்ண பூமிதான முறையாகிற எண்பத்தியாறாவது படலமாகும்.

படலம் 85 : எள்ளினால் ஆன மலை தானம் செய்யும் முறை

85வது படலத்தில் திலபர்வத தான முறை கூறப்படுகிறது. துலாரோகதான முறைப்படி மண்டலத்தின் கூடியதான மண்டபம் அமைக்கவும். ஆனால் அங்கு வேதிகையின்றி வெளிவீதியில் குண்டங்களை முறைப்படி செய்யவும் என கூறப்படுகிறது. மத்தியில் கல்பிக்கப்பட்ட மண்டலத்தில் பஞ்ச கவ்ய பிரோக்ஷணம் செய்து 100 அடி அளவுள்ள மூங்கில் முதலான திரவ்யங்களால் அமைக்கப்பட்ட தண்டத்தை அமைக்கவும். அதில் வியோம வியாபி மந்திரம் கூறி எள்ளை வைக்கவும். அங்கு எள்ளின் அளவு தண்டத்திலிருந்து ஒரு சாண் அளவு அல்லது 8 அங்குல அளவு அல்லது 4அங்குலமோ அதிகமாக இருக்கவேண்டும் அல்லது தண்ட அளவு முறையுமோ செய்யவேண்டும். ஆனால் குறைவுள்ளதாக செய்யக்கூடாது. பிறகு எள்ளை வஸ்திரங்களால் சத்யோ ஜாதாதி மந்திரத்தினால் மூடவும். அப்பேற்பட்ட எள்ளால் ஆன மலையில் தேச காலத்தை சங்கல்பித்து பூஜிக்கவும் என்று திலபர்வத அமைக்கும் முறை பிறகு திலபர்வதத்தின் முடிவில் க்ஷ்மா (பூமி) முதலிய அஷ்ட மூர்த்திகள் அதன் அதிபர்களான 8 சர்வாதி மூர்த்தீஸ்வரர்களும் 3 நிஷ்க்க பிரமானத்தால் நிர்மாணித்து வைக்கவும். திலபர்வதத்தின் மத்தியில் தேவனை விதானம் அறிந்த ஆசார்யன் யஜமானனுடன் கூடி பூஜிக்கவும். அப்பொழுது இந்த எல்லார்க்கும் தேவனான தேவதேவேசன், விருபத் த்வஜன், இவனுக்கு அர்சனை செய்யப்பட்ட போது எல்லா பலனும் நிச்சயமாக ஏற்படுகிறது என கூறி எஜமானனுக்கு தில மத்யத்திலிருக்கும் தேவ தேவனான, உமாபதியும் தரிசிக்க வைக்க வேண்டும் என கூறப்படுகிறது. இங்கு கூறப்படாத சிறிய பூஜையான அர்சனை, ஹோமம், ஸ்வாமிக்கு ஆயிரம் கலச ஸ்நபனம் மற்ற எல்லாம் துலாரோஹன முறைப்படி செய்யவும்.

பிறகு பரமேஸ்வரனை விசர்ஜனம் செய்து திலதானபுரஸ்ஸரம், சிவனின் பொருட்டு சிவதர்மத்தை அனுஷ்டிப்பவனுக்கு திலபர்வதத்தை கொடுக்கவும். பிறகு இந்த தானத்திற்கு மேன்மையான வேறு தானம் மூவுலகிலும் இல்லை என கூறப்படுகிறது. பிறகு வேறுமுறைப்படி அல்பத்திரவ்யம் பெரிய பலத்தை கொடுக்கும் தானம் என கூறப்படுகிறது என்று கூறி வேறு முறையினால் தில பர்வதம் அமைக்கும் முறை கூறப்படுகிறது. பிறகு ஆசார்யன் பசுஞ்சாணத்தால் மெழுகப்பட்ட தேசத்தில் வஸ்திரங்களை விரித்து தசாக்ஷர மந்திரத்தினால் அங்கு ஆறு மரக்கால் அளவுள்ள எள்ளை ஸ்தாபிக்கவும். கர்ணிகை கேசரங்களுடன் கூடிய எட்டு தளத்துடன் கூடிய பத்மத்தை 10 நிஷ்க அளவினால் செய்து எள்ளின் நடுவில் ஸ்தாபிக்கவும். அந்த பத்மத்தின் நடுவில் பரமேஸ்வரனை பூஜிக்கவும். ஐந்து நிஷ்க தங்கத்தினால் மனோன்மணியை அமைத்து அவ்வாறே மூன்று நிஷ்க்க தங்கத்தினால் வர்மை முதலிய 8 சக்திகளை செய்து பத்மத்தின் வடக்கு பாகத்தில் வைத்து முறைப்படி பூஜிக்கவும், அதற்கு வெளிபாகத்தில் அதே மூன்று நிஷ்க அளவில் சொர்ணமயமான எட்டு வித்யேஸ்வரர்களை அமைத்து ஸ்தாபித்து முறைப்படி பூஜிக்கவும். பிறகு உயர்ந்ததான ஆசார்யன், எல்லா கார்யத்தையும் திரவ்யங்களையும் எள்ளுடன் கூடியதாக யஜமானன் சிவபக்தர்களுக்கு கொடுக்கக் கூறவும் என்று செயல்முறை விளக்கம் நிரூபிக்கப்படுகிறது. இவ்வாறு 85ம் படலத்தின் கருத்து சுருக்கமாகும்.

1. ஓ அந்தணர்களே, திலபர்வததானம் பற்றி இப்பொழுது சொல்லப்படுகிறது. முன்புபோல் வேதிகை இல்லாமல் மண்டபம் அமைத்து

2. வெளி பாகத்தில் முன்கூறிய விதிப்படி குண்டங்களை அமைக்க வேண்டும். நடுவில் மண்டலம் அமைத்து பஞ்சகவ்யத்தால் ப்ரோக்ஷணம் செய்து

3. வெட்டப்படாத புதிய வஸ்திரங்களால் மறைத்து தும்பை புஷ்பங்களை பரப்பி புண்யாஹ ஜலத்தால் பிரோக்ஷித்து நூறு அடி உயரமுள்ள

4. மூங்கில் முதலியவைகளால் செய்யப்பட்ட தண்டத்தையும் அமைத்து, வ்யோம வ்யாபி மந்திரத்தை உச்சரித்துக் கொண்டு எள்ளையும் பரப்ப வேண்டும்.

5. தண்டத்திலிருந்து ஓட்டை சாணளவு அல்லது எட்டு அங்குலம் அளவு அல்லது நான்கு அங்குலம் அளவிற்கு அதிகமாகவோ எள் பரப்ப வேண்டும்.

6. தண்டத்தின் (உயர) அளவுக்கு சமமாகவோ எள்ளைப் பரப்பலாம். குறைவாக செய்யக் கூடாது, எள்ளை பரப்பி ஸத்யோஜாதாதி மந்திரங்களைச் சொல்லி வஸ்திரங்களால் எள்ளை மூட வேண்டும்.

7. பர்வதத்தின் ஸமீபம் நல்ல இடத்தை ஏற்படுத்தி, எள் மலையின் பக்கங்களில் மூர்த்தி மூர்த்தீஸ்வரர்களை விசேஷமாக பூஜிக்க வேண்டும்.

8. செய்யப்பட்ட மூன்று நிஷ்க அளவால் க்ஷமா முதலான மூர்த்திகளையும் சர்வன் முதலான மூர்த்தீஸ்வரர்களையும் பூஜிக்கவும், அதுபோல் திலபர்வதத்தின் நடுவில் தேவனான பரமசிவனை பூஜிக்க வேண்டும்.

9. முறைப்படி சாஸ்த்ரமறிந்த ஆசார்யர் யஜமானரைக் கொண்டு பூஜையையும் செய்து எள் நடுவில் தேவதேவனான ஸ்ரீ உமாபதியை யஜமானனுக்கு காண்பிக்க வேண்டும்.

10. இவனோவெனில் வ்ருஷபக் கொடியுள்ள தேவதேவனான பரமேச்வரன் என்னை இப்படி பூஜை செய்த பொழுது எல்லோரும் நினைத்தது எல்லாம் நிச்சயம் நிறைவேறும்.

11. இங்கு சொல்லப்படாததான அர்ச்சனை, ஹோமம், ஸஹஸ்ர கலச ஸ்நபனம் இவையெல்லாம்

12. துலா ரோஹணத்தில் முன் சொன்னபடி செய்ய வேண்டும். இப்படி பூஜை செய்து தேவதேவனான ஈச்வரனை விஸர்ஜனம் செய்து சிவ சின்னங்களோடு சிவதர்மத்தில் நின்று ஒழுகுகின்ற சிவஸ்வரூபமானவர்க்கு

13. ஜலதானத்துடன் எள் மலையை கர்த்தா தானம் செய்ய வேண்டும். இதைக் காட்டிலும் உயர்ந்த வேறுதானம் மூன்று உலகத்திலும் இல்லை.

14. அல்லது வேறு விதமாகவும் கொஞ்ச திரவ்யத்துடனும் பயன் அதிகம் உள்ளதுமான எப்பொழுதும் எல்லா காலத்திலும் செய்யக்கூடியதுமான திலதானம் சொல்லப்படுகிறது.

15. கோமயத்தால் மெழுகப்பட்ட இடத்தின் மேல் புதிய வஸ்திரத்தை விரித்து அதில் (மூன்று) முக்குறுணி என்ற அளவுடைய எள்ளை தசாக்ஷர மந்திரத்தால் பரப்ப வேண்டும்.

16. பத்து ஸ்வர்ணங்களால் (தங்கம்) எட்டு தளங்களோடு கூடிய கர்ணிகையுடைய (தாமரையை) கேஸரங்களோடு அமைத்து அதற்கு மேல் பாதியளவு அளவால்

17. ஐந்து தங்கங்களால் தாமரை அமைத்து அதன் நடுவில் சிவபெருமானை பூஜிக்க வேண்டும். அவருக்கு இடது பக்கத்தில் இரண்டரை தங்கங்களால் மணோன்மனீ தேவியையும் அமைக்க வேண்டும்.

18. மூன்று நிஷ்க தங்கங்களால் வாமாதி எட்டு சக்திகளையும் அமைத்து அதன் வெளியில் அதே மாதிரி மூன்று நிஷ்க தங்கத்தால் எட்டு வித்யேச்வரர்களையும் அமைக்க வேண்டும்.

19. ஆசார்யன் முறைப்படி அவற்றை பூஜித்து எஜமானனை அவை எல்லாவற்றையும் எள்ளோடு கூட சிவபக்தனுக்கு கொடுக்கும்படியாகச் செய்ய வேண்டும்.

இவ்வாறு உத்தரகாமிக மஹாதந்திரத்தில் தில (எள்மலை) பர்வததான விதியாகிற எண்பத்தைந்தாவது படலமாகும்.

படலம் 84: ஹிரண்ய கர்ப தான விதி

84வது படலத்தில் ஹிரண்ய கர்பதான விதி கூறப்படுகிறது. முதலில் எல்லா பொருளையும் கொடுக்க கூடியதான ஹிரண்ய கர்ப தானம் கூறப்படுகிறது என்பது பிரதிஞை. தங்கத்தினால் கீழ் மூடி மேல் மூடியுடன் கூடிய பேழை அமைக்கும் முறை கூறப்படுகிறது. அந்த பேழையை மரத்தினால் செய்து அதை தங்க தகட்டினால் கவர்ந்திருக்கும்படி செய்யவும் என கூறப்படுகிறது. அந்த பேழையில் முப்பத்திஆறு தத்வங்களை பூஜிக்கும் முறை, கூறப்படுகிறது. பிறகு துலாரோஹ முறைப்படி வேதிகையுடன் கூடிய இடத்தை மண்டலத்துடன் அமைத்து மத்தியில் நெல்லை பரப்பி அதற்கு மேல் புதிய வஸ்திரங்களால் போர்த்தப்பட்ட பேழையை வைத்து அதில் உளுந்து அளவில் துவாரம் செய்து அதில் பஞ்ச கவ்ய பஞ்சாமிருதங்களால் ஈசான மந்திரத்தை கூறி நிரப்பவும். பிறகு எவ்வாறு சிவமயம் ஏற்படுமோ அவ்வாறு காயத்திரியால் பூஜிக்கவும். பிறகு ஆசார்யன் சிவ மந்திரத்தை கூறி மூடவேண்டிய வஸ்திரத்தால் பேழையை மூடவும். பிறகு ஆசார்யன் 16 சம்ஸ்காரமான கர்பா தானம் முதலியவைகளை செய்யவும் என கூறப்படுகிறது. இங்கு தான விதி கூறப்படவில்லை. ஆனால் பிறகு சம்ஸ்காரங்களை செய்யவும் என்று அங்கு விசேஷம் கூறப்படுகிறது எனக்கூறி விசேஷமான முறை கூறப்படுகிறது. பிறகு ஸர்வ அலங்கார பூஷிதனாயும், மனைவியுடன் கூடியவனுமான கர்த்தாவை அழைத்து அவனுக்கே கர்பாதானம் முதலிய 16 சம்ஸ்காரங்களை செய்யவும் என கூறப்படுகிறது. பிறகு சீமந்த கர்ம முறை கூறப்படுகிறது. பின்பு மனைவியின் அருகில் 30 நிஷ்க்க அளவுள்ள எல்லா அலங்காரத்துடன் கூடியதான கன்னிகையை வைத்து சிவன் முதலானவர்களுக்கு நிவேதிக்கவும். அன்ன பிராசன கர்மாவில் பிராம்மணர்களுக்கு போஜனம் செய்விக்கவும். ஹ்ருதயலேகா மந்திரம் உச்சரித்து எல்லா கர்மாவையும் முடிக்கவும். இங்கு சொல்லப்படாததை துலாபார முறைப்படி செய்யவும் என்று செயல்முறை விளக்கம் கூறப்படுகிறது. முடிவில் யார் இவ்வாறு செய்கிறானோ அவன் முடிவில்லாத பயனை அனுபவிக்கிறான் என கூறப்படுகின்றது. இவ்வாறு 84வது படலத்தின் கருத்து சுருக்கமாகும்.

1. எல்லா விதமான கார்ய ஸித்தியை கொடுக்கக் கூடிய நிறைய தங்கதானத்தைப்பற்றி கூறுகிறேன். ஆயிரம் நிஷ்க அளவால் (பவுனால்) கீழ் பாத்திரம் (தங்கம் வைக்கக்கூடிய பாத்திரம்) செய்ய வேண்டும்.

2. மேலுள்ள பாத்திரம், அதன் பாதியிலோ அல்லது இரண்டாயிரம் நிஷ்க அளவாலோ அல்லது முக்கால் பங்கோ அல்லது அரை பங்கோ அல்லது ஒன்றே கால் பங்கோ ஒன்றரை பங்கோ,

3. இரண்டு பாகம் அதிகமாகவோ அல்லது முடிந்த வரையிலாவது மேல் பாத்ரம் (மூடி) அமைத்து அல்லது மரத்தினாலாவது அதை தங்கப்பட்டைகளால் (தகடு) சுற்ற வேண்டும்.

4. அதன் அடி பதினைந்து அங்குலம் முதல் ஒவ்வொரு அங்குலமாக கூட்டி பத்தொன்பது அங்குலம் வரை அடி பாத்திரத்தின் விஸ்தாரம் கூறப்பட்டுள்ளது.

5. ஐம்பத்தொன்று அங்குலம் முதல் ஒவ்வோர் அங்குலமாக கூட்டி எழுபத்தைந்து மாத்ர அங்குலம் வரை பாத்திரத்தின் உயரம் கூறப்பட்டுள்ளது.

6. அகல, உயரத்தை பத்து பங்கின் ஓர்பாகம் செய்து ஒவ்வோர் அம்ச அதிகரிப்பால் பாதிக்கும் அதிகமாவுள்ள பரப்பளவால் முகத்தின் அகல அளவாகும்.

7. பிறகு பாதத்துடன் கூடியதாக்கி பாத்திரத்தின் பக்க அளவிலிருந்து வெளிக் கொணர்ந்ததாக இருக்க வேண்டும். மூன்று மாத்ரையிலிருந்து ஒன்பது மாத்ரை வரை வெளிப்படுத்தும் அளவு கூறப்பட்டுள்ளது.

8. பாத்திரத்தின் பாதம் பாத்திரத்தின் உயரம் எவ்வளவோ அவ்வளவு உயரமுள்ளதாகவோ அல்லது அதில் பாதியளவு உள்ளதாகவோ, முக்கால் அளவு உள்ளதாகவோ சமமாகவோ பலகையின் கனம் இருக்கலாம்.

9. பாதுகைக்கு மேல் நீளமோ, அகலமோ, கிண்ணத்தின் பக்கச்சுவருக்கு வெளியில் உள்ளதாக அமைக்கவும், பேழையின் வ்யாப்தியானது மாயாதத்வம் வரையிலுமோ, ப்ரக்ருதித்வம் வரையிலுமோ ஆகும்.

10. மேல்பாகம் சிவதத்வம் வரையிலும், மத்ய பாகம் புருஷதத்வம் வரையிலும் ஆகும், அதுபோலவே ஆசார்யன் தன்னையும் பாவித்துக் கொள்ள வேண்டும். இப்பொழுது ஹிரண்ய கர்பத்தின் விதி சொல்லப்படுகிறது.

11. மண்டபமானது வேதிகையுடனும் மண்டலத்துடனும் அமைத்து நடுவில் முன்போல் நெல் போட்டு

12. அதன்மேல் பேலாவை வைத்து புதிய வஸ்திரங்களால் அலங்கரித்து, இடைவெளி இல்லாமல் உளுந்தளவு த்வாரத்தில் பாலை (பேழையில்) நிரப்ப வேண்டும்.

13. அல்லது பஞ்ச கவ்யத்தாலோ பஞ்சாமிருதத்தாலோ அதை நிரப்பி ஈசானம் முதலிய பஞ்ச ப்ரம்ம மந்திரங்களால் அபிமந்திரணம் செய்ய வேண்டும். (நிரப்பவேண்டும்)

14. சிவகாயத்ரியாலும் பூஜித்து பிறகு சிவமயம் ஆகும்படியாக ஆசார்யன் பூஜிக்க வேண்டும். ஓ உயர்ந்த பிராம்மணர்களே, முன் சொன்னது போலவோ அல்லது சாமான்யமாகவோ பூஜிக்க வேண்டும்.

15. கர்த்தா கிழக்கு முகமாக உட்கார்ந்து கவுரீ காயத்ரியை ஜபிக்க வேண்டும். ஆசார்யன் சிவ மந்திரத்தை ஜபித்துக் கொண்டு கர்த்தாவை வஸ்த்திரத்தால் மூட வேண்டும்.

16. கர்பாதானம் முதலிய பதினாறு ஸம்ஸ்காரங்களையும் ஆசார்யன் செய்து வைக்க வேண்டும். பிறகு அதுபற்றி விசேஷமாகக் கூறப்பட்டுள்ளது.

17. எல்லா அலங்காரங்களால் அலங்கரிக்கப்பட்டவரும், மனைவியோடு கூடியவருமான கர்த்தாவை அழைத்து அவர் மனைவிக்கு கர்பதானம் முதலிய கிரியைகளை செய்ய வேண்டும்.

18. மனைவியின் வலது மூக்கில் அருகம்பில்லின் ரஸத்தையும் (சார்) இருபத்தொன்று அத்திப் பழங்களை பிழிந்து சாரையும் ஊற்ற வேண்டும். (பும்ஸவனம்)

19. தர்பைகளை கொண்டுவந்து தேவீ மந்திரத்தைச் சொல்லி ஸீமந்த கர்மாவை செய்ய வேண்டும். எல்லா அலங்காரங்களால் பிரகாசிக்கின்ற முப்பது நிஷ்க தங்கத்தால் செய்யப்பட்ட கன்யாபிரதிமையை

20. கர்த்தாவின் மனைவி பக்கத்தில் உட்கார வைத்து சிவனான ஆதிசைவரிடம் அர்ப்பணம் செய்ய வேண்டும். அன்னப்ராசனத்தின் பொழுது பாயஸத்துடன் பிராம்மஹணர்களுக்கு உணவளிக்க வேண்டும்.

21. ஹ்ருதய மந்திரம் உச்சரித்து எல்லா கர்மாவையும் செய்ய வேண்டும். இவ்வாறு இங்கு சொல்லப்பட்டது, சொல்லப்படாததை துலாரோஹணத்தில் சொன்னவாறு செய்ய வேண்டும்.

22. இவ்வாறு எவன் செய்கிறானோ அவன் எல்லா நன்மையையும் அடைகிறான்.

இவ்வாறு உத்திரகாமிக மஹாதந்திரத்தில் ஹிரண்ய கர்ப தான விதியாகிற எண்பத்தி நாலாவது படலமாகும்.

படலம் 83: துலாபாரம் முதலிய பதினாறு தான விதி

83வது படலத்தில் துலா ரோஹ தான விதி கூறப்படுகிறது. முதலில் பிராம்ணர் முதலிய நான்கு வர்ணத்திவர்களுக்கும் விசேஷமாக அரசர்களுக்குமான விஷயத்தில் துலா ரோஹணம் முதலிய 16 தான விதி பற்றி கூறுகிறேன் என்பது நிச்சயமாகும். பிறகு துலாரோஹணம், முதலிய 16 தானங்கள் கிரஹணம் முதலிய காலங்களில் நல்ல இடத்தில் செய்யவும் என்று காலமும், தேசமும் கூறப்படுகிறது. முன்பு துலாரோகணம் முதலிய 16 தான விதியில் சாமான்யமாக மண்டபமோ, பந்தலோ, அமைக்கவும் என கூறி மண்டபம் அமைக்கும் முறையும், வேதிகை, குண்டம் அமைக்கும் முறையும் கூறப்படுகிறது. அங்கு மண்டபத்திலோ, பந்தலிலோ, வேதிகை அமைத்து அதன் சுற்றிலும் 9 நாற் கோண குண்டங்களும் அமைக்கவும். இவ்வாறு மண்டப அமைப்பு முறை கூறப்பட்டது. பிறகு தராசு அமைக்கும் முறை நிரூபிக்கப்படுகிறது. தராசின் தண்டம் முதலிய யோக்யமான வஸ்த்துக்களுக்கு தேவையான மரங்கள் கூறப்படுகின்றன. தராசின் எல்லா உருப்புகளும் ஒரேமரத்தினாலேயோ அல்லது பல மரங்களாலோ இருக்கலாம். பிறகு தராசு அமைத்து மனித உயரம் குழி தோண்டி ஸமமாக பாதசிலையை வைத்து, அதற்கு மேல் தராசு ஸ்தாபித்து, மணல் முதலியவைகளால் கெட்டிப் படுத்தவும் என கூறப்படுகிறது. பிறகு இவ்வாறு எல்லாம் தயார் செய்து சில்பி விசர்ஜனம் செய்து புண்யாக வாசனம் செய்து அலங்காரம் செய்யப்பட்டதும், மங்களாங்குரம் உடையதும், பலவித பழங்களுடன் கூடியதும் முன்பு ஏற்படுத்தப்பட்ட மண்டபத்தில் ஸர்வதோபத்திர மண்டலம் செய்யவும் மண்டபத்தின் 8 திக்கிலும், வச்சிரம் முதல் சூலம் வரையிலான 10 அஸ்திரங்களை வைக்கவும். சூலத்தின் இடப்பாகத்தில் சக்கரத்தையும் தட்சிண பாகத்தில் பத்மத்தையும் ஏற்படுத்தவும் என அறிவிக்கிறார். பூஜாவிதி நிரூபிக்கப்படுகிறது. முதலில் மண்டலத்தின் மத்தியின் இடது பாகத்தில் கவுரியுடன் கூடிய தேவதேவேசனை சந்தன, புஷ்பங்களால் பூஜித்து தெற்குபாகத்தில் பிரம்மாவையும், வடக்குபாகத்தில் விஷ்ணுவையும், சுற்றிலும் திக் பாலகர்களையும் வைத்து பூஜிக்கவும் என கூறப்படுகிறது. பிறகு நடுவில் சூர்யனையும், ஆக்னேயத்திலோ, நிருருதியிலோ பாஸ்கரன் வாயுதிக்கில் பானுவையும், ஈசான திக்கில் ரவியையும், நிருருதிதிக்கிலோ, ஆக்னேயதிக்கிலோ திவாகரனை வைத்து சந்தனம் புஷ்பம் இவைகளால் பூஜிக்கவும் என கூறப்படுகிறது. இங்கு பாஸ்கரன் திவாகரன், விஷயத்தில் திசை வேறுபாடாக கூறப்படுகிறது. பிறகு உஷா, பிரபா, பிரக்ஞா, சந்த்யா, சாவித்திரி, இவைகளை மத்ய திக்முதல் ஈசான திக்வரை வைத்து சந்தனம், புஷ்பம் இவைகளால் பூஜிக்கவேண்டும் என கூறப்படுகிறது.

நிருருதி திக்கில் விஸ்தாரா, ஆக்னேய திக்கில் சுதாரா வாயுதிக்கில் போதனா, ஈசான திக்கில் ஆப்யாயனி, மத்தியில் சூர்யன் ஆகிய இவர்களை வைத்து பூஜிக்க வேண்டும் என கூறப்படுகிறது. பிறகு பிரபூத, விமல, சார, ஆராத்ய முதலிய பெயர் உள்ள ஆசனங்களை கிழக்கு முதல் வடக்கு வரையிலும் மத்தியில் அந்த சூர்யனுடைய பெயரை பூஜிக்கவும் என கூறப்படுகிறது. பிறகு தீப்தா, முதலிய 8 சக்திகளும் கிழக்கு முதல் மத்யபாகம் வரையிலாக அர்ச்சித்து பூஜிக்கவும். சந்திரன் முதல் கேது வரையிலான 8 கிரகங்களையும் பூஜிக்கவும் என பூஜை முறை கூறப்பட்டது. பிறகு மந்திரத்துடன் கூறி 9 குண்டங்களிலும் செய்யவேண்டிய ஹோமம் செய்யும் முறை கூறப்பட்டுள்ளது. பிறகு மண்டலத்தில் பூஜிக்கப்பட்ட எல்லா தேவர்களையும் குண்டத்தில் பூஜித்து ஹோமம் செய்யவும். பூர்ணாஹுதி, முடித்து அரசர்களின் துலாரோக கிரியையானது அனுஷ்டிக்கவும் என அறிவிக்கப்படுகிறது. பின்பு பரமேஸ்வரனை 1000 கலசங்களாலோ பஞ்சாமிருத பஞ்சகவ்ய, பால் முதலிய திரவ்யங்களாலோ அபிஷேகம் செய்து பிரபூத ஹவிசுடன் கூடிய பெரிய பூஜை செய்ய வேண்டும். பிராம்மணர்களுக்கு உணவு அளிக்க வேண்டும். பிறகு துலா ரோஹண கிரியையானது ஆசரிக்கவும் என்று துலாரோஹண விஷயத்தின் நடைமுறை கூறப்படுகிறது. பிறகு துலாரோகவிதி விளக்கப்படுகிறது. பின்பு ஸ்னநாம் செய்தவரும் வெண்மையான வஸ்திரம் சந்தன பூச்சு உடையவரும் எல்லா அணிகலன்களை உடையவரும் வெள்ளைமாலை தரித்தவரும் ரக்ஷõபந்தனம் செய்தவரும் கத்தி, கேடயம் இவைகளை தரித்தவருமான அரசனை கூப்பிட்டு சிவதீர்த்தத்தால், சிவ மந்திரத்தால் அரசனை பிரோக்ஷணம் செய்யவும். பிறகு ஆசார்யன் புண்யாக வாசனம் செய்து பூதசுத்தி முதலாக அங்கந்நியாஸம் கரன்யாசம் செய்து கொண்டு மந்திரத்துடன் வேத கோஷ நாட்டியத்துடனும் சங்கீதத்துடனும் கூடிய அரசனையும் தங்கத்தையும் தராசில் ஏற்றவும் அப்பொழுது எஜமானனாகிய அரசன் ருத்திர காயத்திரி மந்திரம் ஜபிக்கவும் என கூறப்படுகிறது. தராசுவில் ஏற்றப்பட்ட சரீரத்துடன் அந்த தங்கம் எப்பொழுது சம எடையாக ஆகிறதோ அப்பொழுது துலா ரோஹம் செய்வதன் ஆகிறான் என்று அறிவிக்கப்படுகிறது. துலாரோஹண காலத்தில் வஸ்திர, ஸ்வர்ண, பூஷணம் இவைகளால் ஆசார்யனையும், ஹோமம் செய்தவர்களையும் பூஜிக்கவும். அவர்களுக்கு முறைப்படி தட்சிணை கொடுக்கவும் என கூறி தட்சிணை கொடுக்கும் முறை கூறுகிறார். அந்த காலத்தில் சிறையில் அடைக்கப்பட்ட எல்லா மனிதர்களையும் விடுதலை செய்யவும் என அறிவிக்கப்படுகிறது. இந்த துலா ரோஹண விதியானது 16 தான விதிகளில் சாமான்யமாக கூறப்பட்டுள்ளது என தெரிவிக்கப்படுகிறது. இவ்வாறு 83வது படல கருத்து சுருக்கமாகும்.

1. அந்தணர் முதலிய நான்கு வர்ணத்தார்களுக்கும் அரசர்களுக்கும் எல்லா விருப்பத்தையும் அளிக்கக் கூடிய பதினாறு தானங்களை கூறுகிறேன்.

2. விசேஷமாக கிரஹணம் முதலிய புண்ய காலங்களில் சுபமான இடத்தில் இருபது கை முழத்திலோ அல்லது பதினாறு கைமுழத்திலோ அல்லது எட்டு கைமுழத்திலோ

3. கொட்டகையோ, மண்டபமோ அமைத்து அதன் நடுவில் ஒன்பது, ஆறு, ஏழு கைமுழத்திலோ இரண்டு முழத்திலிருந்து அரை முழம் வரையிலோ வேதிகையை அமைக்க வேண்டும்.

4. பரப்பு அளவும் உயரமும் உள்ளதாகவும், பன்னிரெண்டு கம்பங்களோடு கூடியதும் வேதிகையும் (அமைத்து அதன் வெளியில்) அதை சுற்றி சதுரஸ்ரமான ஒன்பது குண்டங்களையும் அமைக்க வேண்டும்.

5. நான்கு வாயிற்படி உள்ளதும், நான்கு தோரணங்களால் அலங்கரிக்கப்பட்டதும், தர்பமாலை களோடு கூடியதும், திசைகளில் கொடிகளை யுடையதாயும்,

6. அஷ்ட மங்களம், விதானம் இவைகளோடு கூடியதுமான மண்டபம் அமைக்க வேண்டும். இங்கு கூறியது துலாபாரத்திற்கும் 16 தானங்களுக்கும் இது பொது (சாமான்யம்) ஆகும்.

7. வில்வம், அரசு, பலாசம் இன்னும் யாகத்திற்கு உபயோகமான மரங்களாலும் பலா, மா, கருங்காலி முதலிய மரங்களாலும் விசேஷமாக துலாதண்டத்திற்கு (தராசிற்கு) கூறப்பட்டுள்ளது.

8. ஒரே மரத்தாலானதும், அல்லது கலந்த மரமானாலும் தோஷமில்லை. பக்கவாட்டிலுள்ள ஸ்தம்பங்கள் ஏழு, ஆறு, ஐந்து கை முழங்கள் உயரமுள்ளனவாக இருக்க வேண்டும்.

9. மேல் உள்ள உத்தரம் ஆறு அல்லது எட்டு முழம் நீளமுள்ளதாக இருக்க வேண்டும். மும்மூன்று அங்குல குறைவாக ஒன்பது விதமாக அளவு கூறப்பட்டுள்ளது.

10. பக்கத்திலுள்ள கம்பங்களின் அகலத்தால் அவைகளின் நீளம் கூறப்பட்டுள்ளது. கால்பங்கு அதிகமானதாக முக்கால் பாகம் உயர்வாகவோ அமைக்க வேண்டும்.

11. தராசின் நீளமானது இரண்டு கரங்கள் அல்லது மூன்று கை முழங்களோடு இருக்க வேண்டும். விஷ்கம்பம் பத்து அங்குலம் இருக்க வேண்டும்.

12. விஸ்தாரம் ஒரு அங்குலம் அதிகமாகவோ, குறைவாகவோ இருக்க வேண்டும். முப்பத்தாறு அங்குலம் அளவுள்ளதாக நீளம் இருக்க வேண்டும்.

13. ஒன்பதங்குலத்தால் அகலமோ அல்லது ஐந்து யவையளவு உள்ளதாகவோ அமைக்கவும். நடுவிலிருக்கும் கம்பத்தின் உயரம் முப்பத்தாறு மாத்ரையளவு உள்ளதாக அமைக்க வேண்டும்.

14. தராசு கம்பத்தின் நுனி அடி, நடு பாகங்களில் தங்கத்தகடுகளால் அலங்கரிக்கப்பட வேண்டும். துலா தண்டத்தில் மூன்று பிடிப்பு (தொங்குகிற) சங்கிலிகள் போடப்பட்டிருக்க வேண்டும்.

15. பிடிப்பு சங்கிலிகள் தாமிரத்தாலோ, இரும்பினாலோ இருக்கலாம். நடுவிலும் மேலேயும் பிடிப்பு உள்ள தொங்கும் சங்கிலி அமைக்க வேண்டும்.

16. விட்டத்திற்கு தோரணம் என்ற பெயரும் உண்டு. அதன் நடுவில் கூர்மையான நாக்கு இரும்பினால் செய்யப்பட்ட கூம்பு போன்று இருக்க வேண்டும். அதை அந்த இரும்பு முனையால் நன்கு சேர்க்க வேண்டும்.

17. சேர்க்கப்பட்ட ஆணியையும், வலயத்தையும், ஓட்டையோடும் கூடியதாக இருக்க வேண்டும். ஏழு, எட்டு, ஆறு, நூறு மாத்ரை அளவுள்ளதாகவும் தாம்பிரத்தால் தாங்கும் தட்டு செய்யப்பட வேண்டும்.

18. ஒரு அங்குலம் அளவுள்ள நான்கு துவாரங்களோடு கூடிய நான்கு வளையங்கள் ஒரு முழ சுற்றளவு உள்ளதாக பொருத்தப்பட்டிருக்க வேண்டும்.

19. கீழ் உள்ள தட்டுகள் பூமிக்கு மேல் ஓட்டைச் சாண் தூரத்திலோ அல்லது ஆறு அங்குலம், நான்கு அங்குலத்திற்கு மேலோ உள்ளதாக அமைக்க வேண்டும். எவ்வாறு கிழக்கு மேற்கு திசையில் இருக்கும் படியாக இருக்குமோ அவ்வாறு

20. மேலும் இரண்டு கம்பங்களின் நுனி உத்தர (வடக்கு) த்வாரத்தின் அளவு உள்ளதாகவும், நடுவில் கலசம் உள்ளதாகவும் ஏற்படுத்த வேண்டும்.

21. ஆள் உயரம் பூமியை தோண்டி கால்களை ஸமமாக அதில் வைத்து மணல்களால் ஆடாமல் ஸ்திரமாக்க வேண்டும்.

22. இவ்வாறு எல்லாம் செய்து சில்பிக்கு திருப்தி செய்து விட்டு புண்யாகவாசனம் செய்து அலங்கரிக்கப்பட்ட மண்டபத்தில்

23. மங்களாங்குரம் செய்து பலவித பழங்களோடு கூடி ஸர்வதோபத்ரம் என்ற மண்டலத்தை புத்திமான் அமைக்க வேண்டும்.

24. மண்டபத்தின் எட்டு திக்குகளிலும் கிழக்கு முதல் வரிசையாக வஜ்ரம் முதல் சூலம் வரை எல்லாவற்றையும் ஸ்தாபித்து சூலத்திற்கு இடது புறத்தில் சக்கரத்தையும், வலதுப் புறத்தில் பத்மத்தையும் அமைக்க வேண்டும்.

25. நடுவில் தேவதேவனையும் இடது புறத்தில் கவுரீதேவியையும் ஸ்தாபித்து ஈச்வரனை சக்தி தேவியுடன் சந்தன புஷ்பங்களால் பூஜித்து வலது புறத்தில் பிரம்மாவை பூஜிக்க வேண்டும்.

26. இடது புறத்தில் விஷ்ணுவை பூஜிக்க வேண்டும், சுற்றிலும் லோபாலர்களை பூஜிக்க வேண்டும், சூர்யனை நடுவிலும், அக்னி திக்கிலோ (ரவியையும்) தென்மேற்கிலோ பாஸ்கரனையும்,

27. வடமேற்கில் பானுவையும், வடகிழக்கில் ரவியையோ வாகரரையோ பூஜிக்கவும். உஷா, பிரபா, ப்ரக்ஞை, ஸந்த்யை, ஸாவித்ரீ இவர்களையும் பூஜிக்க வேண்டும்.

28. நடுமுதல், ஈசானம் வரை உள்ள தெய்வங்களை சந்தனம், புஷ்பங்களால் பூஜிக்க வேண்டும். மேலும் நடுவில் விஸ்தாரா என்ற சக்தியையும், அக்னி திக்கில் ஸுதரா என்ற சக்தியையும்,

29. கிழக்கு முதல் வடக்கு வரை ப்ரபூதம், விமலன், ஸாரன், ஆராத்யன் என்றவர்களையும் மத்தியில் பரமஸுகனையும் பூஜிக்க வேண்டும்.

30. வாயு திசையில் போதனீ என்ற சக்தியையும், ஈசான திக்கில் ஆப்யாயனீ என்ற சக்தியையும், நடுவில் ரவியையும் பூஜிக்க வேண்டும்.

31. கிழக்கு முதல் ஈசானம் வரையிலும் நடுவிலும் தீப்தா முதலிய சக்திகளைப் பூஜிக்க வேண்டும். சந்திரன் முதல் கேது வரை எட்டு கிரஹங்களையும் பூஜிக்க வேண்டும்.

32. அதற்கு ஹோமம் செய்ய வேண்டும். அதன் விதிமுறையும் இப்பொழுது சொல்லப்படுகிறது. பிரதான ஹோமத்தில் பரமேஸ்வரனையும், திக்குகளில் எட்டு திக்பாலர்களையும் பூஜிக்க வேண்டும்.

33. மத்தியில் காயத்ரியால் ஹோமம் செய்ய வேண்டும். திக்குகளில் திக்பாலகருடைய மந்த்ரங்களால் அவரவர் பெயரை சொல்லி பிரணவத்தோடு கூட ஸ்வாஹாவை முடிவாகக் கொண்டு ஹோமம் செய்ய வேண்டும்.

34. அந்தந்த சாஸ்திரத்தில் கூறப்பட்டுள்ளபடி சிவாக்னியை ஸ்தாபித்து முகாந்தம் வரை ஹோமம் செய்யவும். லோகபாலர்களை உடைய ஈசனை ஆவாஹனம் செய்து பூஜிக்கவும்.

35. நாடீ ஸந்தானத்துடன் ஜயாதி ஹோமம் வரை ஹோமம் செய்யவும். ஸமித், ஹவிஸ், நெய், இவைகளால் ஆயிரம், நூறு

36. நூற்றெட்டு ஆவ்ருத்தி அந்தந்த திசைகளில் உள்ளதான பாயஸம், வெண் பொங்கல், சுத்தான்னம் முதலியவைகளை கொண்டு ஹோமம் செய்ய வேண்டும்.

37. பாலில் நனைத்த அருகம்பில்லால் ம்ருத்யுஞ்ஜய மந்திரத்தை உச்சரித்துக் கொண்டு இருபத்தைந்து ஆவ்ருத்தி ஹோமம் செய்ய வேண்டும். பிறகு வாஸ்து ஹோமம் செய்ய வேண்டும்.

38. பிராயச்சித்தமாக அகோரமந்திரத்தினால் பத்தாயிரம் ஆவ்ருத்தி ஹோமம் செய்ய வேண்டும். மண்டலத்தில் பூஜிக்கப்பட்ட எல்லா தெய்வங்களையும் பூஜித்து ஹோமம் செய்ய வேண்டும்.

39. பூர்ணாஹூதி லோகபாலர்களுக்கு செய்து க்ரியைகளை பூர்த்தி செய்ய வேண்டும். ஆயிரம் கலசங்களால் பரமசிவனை அபிஷேகம் செய்ய வேண்டும்.

40. மஹாபூஜையை செய்து அதிகமான அன்னம் முதலியவைகளை நிவேதனம் செய்ய வேண்டும். பஞ்சாமிருதம், பஞ்சகவ்யம், பால் இவைகளாலோ அல்லது ஸ்நபனம் மட்டுமோ அபிஷேகிக்க வேண்டும்.

41. அந்தணர்களுக்கு உணவளித்து பிறகு துலாரோஹணம் செய்ய வேண்டும், கீழ்வரும் அமைப்புடைய அரசனை அமைத்து வெண்மையான வஸ்திரம் உடுத்தி மேல் பூச்சு (உத்தரீயம்) செய்து கொண்டவரும்,

42. எல்லா ஆபரணங்களால் அலங்கரிக்கப்பட்டவரும், வெண்மையான மாலை அணிந்தவரும், காப்புக்கட்டிக் கொண்டவரும், கத்தி, கேடயம், அமைதியாக உள்ளவருமான அரசனை அழைத்து

43. புண்யாக தீர்த்தத்தால் ப்ரோக்ஷித்து, பூதசுத்தி முதலியன செய்து சிவமந்திரத்தை உச்சரித்துக் கொண்டு சிவார்க்ய ஜலத்தால் ப்ரோக்ஷிக்க வேண்டும்.

44. ஸகளீகரணம் செய்து சிவமந்திரத்தை உச்சரித்துக் கொண்டு யஜமானனை துலாத்தில் (தராசில்) ஏற்றிவைக்க வேண்டும். யஜமானன் ருத்ர காயத்ரியை அப்பொழுது ஜபிக்க வேண்டும்.

45. ஒரு நாழிகையோ, அரை நாழிகையோ அந்த தராசில் அமர்ந்து இருக்க வேண்டும். கிழக்குமுகமாகவோ, மேற்கு முகமாகவோ தராசு தட்டின் நடுவில் அமர வேண்டும்.

46. இன்னொரு தட்டில் அமைக்கப்பட்ட தங்கத்தை சிவனை நினைத்துக் கொண்டு கூர்ச்சத்தை சிவனாக நினைத்து வேதம், நாட்டியம், வாத்யம், பாட்டு இவைகளுடன்

47. வெற்றி முழக்கத்துடன் தன்னுடைய சரீர எடைக்கு சமமான தங்கம் இருந்தால் அது துலாரோஹம் செய்ததாக ஆகிறது.

48. தன்னுடைய சரீர எடையை காட்டிலும் 100, 50, 25 எண்ணிக்கைகளால் தங்கம் இருப்பது உயர்ந்ததாகும். யஜமானனை தேவேந்திரனாக நினைத்து துலாரோஹணம் செய்ய வேண்டும்.

49. யஜமானர் ஆசார்யனை வாத்யம் முழங்க வஸ்த்ரம், தங்க ஆபரணம் இவைகளால் பூஜிக்கவும், ஹோதாக்களையும் பூஜித்து அவர்களுக்கு தட்சிணையை கொடுக்க வேண்டும்.

50. நூறு நிஷ்க அளவு தங்கமோ அல்லது 50 நிஷ்கமோ எல்லா ரித்விக்களுக்கும் கொடுக்கவும். மற்ற எல்லோருக்கும் பத்து நிஷ்க தங்கம் கொடுக்க வேண்டும்.

51. யாகத்தில் உபயோகிக்கப்பட்ட பொருட்களை ஆசார்யனுக்கு கொடுக்க வேண்டும். முன்பு சொன்னது போல் சிவார்ச்சகரை பூஜை செய்ய வேண்டும்.

52. அவருக்கு ஐம்பது நிஷ்க அளவு தங்கம் கொடுக்க வேண்டும் என்று சாஸ்திரத்தில் சொல்லப்பட்டுள்ளது. தராசில் ஏற்றப்பட்ட பொருள் களை பிராமணர்களுக்கு கொடுக்க வேண்டும்.

53. சிவபக்தர்களுக்கு சிறப்பாக அதில் பாதியளவாவது கொடுக்க வேண்டும். ஆனால் ஆசார்யனுக்கு மிக சிரத்தையுடன் கொடுக்க வேண்டும்.

54. துலாரோஹண காலத்தில் சிறையில் உள்ள கைதிகளை விடுவிக்க வேண்டும். அரசாங்க பணியாளர்களுக்கும் தனித்தனியாக தங்கம் (நிஷ்கம்) கொடுக்க வேண்டும்.

55. பிராம்மண உத்தமர்களே, இது தானங்களுக்கு பொதுவானது என்று சொல்லப்பட்டுள்ளது.

இவ்வாறு உத்தரகாமிக மஹாதந்திரத்தில் துலாரோஹ ÷ஷாடச தாந விதியாகிற எண்பத்தி மூன்றாவது படலமாகும்.

படலம் 82: ரக்ஷ பந்தன விதி

82வது படலத்தில் ரக்ஷõபந்தன விதி கூறப்படுகிறது. அதில் முதலாவதாக அரசர்களின் ரக்ஷõபந்தன முறை கூறப்படுகிறது. எல்லா மங்கள கரமான கார்யங்களிலும் குறிப்பிட்ட தினத்தின் முன் இரவில் ரக்ஷõபந்தனம் செய்யவேண்டும் என்று ரக்ஷõபந்தன விதியின் காலம் நிரூபிக்கப்படுகிறது. பிறகு சுத்தமான ஆசார்யன் அங்கந்நியாசம், கரந் நியாசம் செய்து தாம்பாளத்தை ஸ்தண்டிலத்தின் மேல் வைத்து புண்யாக வாசனம் முதலாக பிரோக்ஷித்து யக்ஞசூத்ர வலயம் நூதன ரக்ஷõபந்தனம் ஸ்வர்ண மயமாக பத்மம் ஸ்தாபித்து அர்க்ய ஜலத்தால் அஸ்திரமந்திரத்தை கூறி பிரோக்ஷித்து பாத்திரத்தில் வைக்கப்பட்ட உபவீதம் முதலிய பொருள்களை முறைப்படி மந்திரங்களால் அபிமந்திரிக்கவும் என்று கூறி அபிமந்திரனத்தின் மந்திரவிஷயம் கூறப்படுகிறது. இவ்வாறு மந்திரத்தினால் அபிமந்திரிக்கப்பட்டதும் சந்தனம் பூசப்பட்டதும் ரக்ஷõபந்தனம் விபூதியையும் ஈசான திக்கில் வைக்கவும். ஸ்வர்ணபுஷ்பம் முதலியவைகளை மத்ய திக் முதல் வடக்கு திக் வரை வைக்கவும் மந்திர பூர்வமாக தாம்பூலம் கொடுக்கவும். அல்லது தங்கத்தால் செய்யப்பட்டதோ அல்லது வெள்ளியால் செய்யப்பட்டதோ வெரும் அருளும் புல்லையோ ஆக்னேய திக்கிலோ நிருதி திக்கிலோ வைத்து ஹ்ருதய மந்திரத்தினால் அபிமந்திரிக்கவும் என்று வேறு விதமாக கூறப்படுகிறது. பிறகு அந்த பாத்திரத்தை வஸ்திரங்களால் மூடி எல்லா அலங்காரத்துடன் கூடிய யானையின் மேல் ஏற்றி நகரத்தை வலம் வரவும் பிறகு ஆசார்யன் ஜோஸ்யன், முதலான பிராம்ணர்களுடன் கூடி எல்லா மங்கள வாத்யங்களுடனும் சுத்த மானவரும் விபூதி அணிந்தவரும் வெண்பட்டு உத்தரீயம் தரித்தவரும் எல்லா ஆபரணமும் அலங்காரமும் உடையவரும் ஆன ராஜாவை சிம்மாசனம் முதலிய ஆசனங்களில் கிழக்கு முகமாக அமர்த்தவும் பிறகு முன்பு மந்திரிக்கப்பட்ட புண்யாக ஜலத்தினால் பிரோக்ஷித்து ஸ்வர்ண புஷ்பம் முதலியவைகளை மிருத்யுஞ்ஜய மந்திரம் கூறி எல்லா வற்றையும் அரசனிடம் கொடுத்து அவனுடைய வலக்கையில் வடக்கு முகமாக இருந்து கொண்டு மந்திர பூர்வமாகவும் விபூதி அளிப்பதன் மூலமும் ரக்ஷõபந்தனம் செய்யவும் என கூறப்படுகிறது. அல்லது ஆசார்யன் ஈசாந முதலிய மந்திரங்களினால் முறைப்படி எல்லாவற்றையும் பூஜித்து சுற்றிலும் லாஜ புஷ்பங்களுடன் கூடி தேங்காய்களை ஸ்தாபனம் செய்து பிருஹத்சாம என்ற மந்திரம் கூறி ரக்ஷõபந்தனம் விதிப்படி செய்யவும் என வேறு விதமாக கூறப்படுகிறது. பிறகு கர்த்தா, தேசிகன், ஜோஸ்யன், புரோஹிதன் மற்ற எல்லா பிராம்ணர்களையும் பூஜிக்கவும் என கூறுகிறது. முடிவில் மங்கள வாத்ய சப்தங்களுடன் இந்த விதிப்படி தேவ தேவனான பரமேஸ்வரனுக்கும் மற்ற தேவர்களுக்கும் நான்கு வர்ணத்தவர்களுக்கும் ரக்ஷõபந்தனம் செய்யவேண்டும் என கூறப்படுகிறது. இவ்வாறு 82ம் படல கருத்து சுருக்கமாகும்.

1. மங்களகரமான எல்லா கர்மாக்களிலும் அரசர்களுக்கு ரக்ஷõபந்தனத்தைக் கூறுகிறேன். மங்களகர்மா செய்வதற்குக் குறிப்பிட்ட முதல்நாள் இரவு ரக்ஷõபந்தனம் (காப்புகட்டு) செய்யவேண்டும்.

2. ஆசார்யன் சுத்தனாய் ஸகளீகரணம் செய்து கொண்டு நெல்லினால் ஸ்தண்டிலம் கல்பித்து (ஏற்படுத்தி) அதன்மேல் தம்பாளத்தை வைத்து,

3. வெண்மையான அரிசியின் மேல் ஸ்தாபிக்கப்பட்ட புண்யாக தீர்த்தத்தால் பூணூல், காப்பு, மோதிரம் இவற்றைப் பிரோக்ஷணம் செய்து,

4. தங்கமயமான காப்பையும் ஸ்வர்ணபுஷ்பத்தையும் அஸ்திர மந்திரத்தைச் சொல்லி அர்க்யத்தால் சுத்தம் செய்து அரிசியின் மேல் வைத்து,

5. சந்தன புஷ்பங்களாலும், பூஜித்து கீழ்வரும் மந்திரங்களால் அபிமந்தரணம் செய்ய வேண்டும். ஈசானமந்திரத்தால் தலையில் ஸ்வர்ண புஷ்பத்தையும், கவசமந்திரத்தால் பூணூலையும்,

6. ஹ்ருதய மந்திரத்தால் காப்பையும், மோதிரத்தையும் அபிமந்திரணம் செய்ய வேண்டும். அல்லது எல்லாவற்றையுமே அகோர மந்திரத்தால் அபிமந்திரணம் செய்யலாம்.

7. காப்பையும் விபூதியையும் ஹ்ருதயமந்திரத்தால் அபிமந்த்ரணம் செய்து அவைகளை சந்தனத்தால் பூசி ஸ்தண்டிலத்தின் ஈசானதிக்கில் வைக்க வேண்டும்.

8. நடுவிலிருந்து வடக்கு பாகம் வரை புஷ்பம் முதலியவைகளை வைக்கவும். தத்புருஷ மந்திரத்தைச் சொல்லி தாம்பூல ஸமர்பணம் செய்ய வேண்டும்.

9. தங்கத்தால் அல்லது வெள்ளியால் செய்யப்பட்ட காப்பை அருகுநுனி அளவிலாவது செய்து அதை ஸ்தண்டிலத்தின் தென்கிழக்கிலோ அல்லது தென் மேற்கிலோ ஹ்ருதயமந்திரத்தால் அபிமந்த்ரணம் செய்ய வேண்டும்.

10. இவ்வாறு பூஜிக்கப்பட்ட காப்பை விபூதியுடன் கூட மோதிரம், பூணூல் இவற்றையும் தாம்பாளத்தில் வைத்து வஸ்திரத்தால் மூடி எல்லா அலங்காரத்துடன் கூடியதாக யானைமேல் அதை வைத்து நகர்வலம் வந்து பிறகு

11. ஆசார்யன் நல்லவேளையில் ஜோஸ்யர் புரோஹிதர், மற்றும் பிராம்மணர்களுடன் எல்லா மங்களங்களும் கூட

12. காலைக்கடன்களை முடித்து உடல் முழுதும் விபூதியையணிந்தவராயும் வெண்பட்டு உடுத்தி எல்லா ஆபரணங்களாலும் அலங்கரிக்கப்பட்டவராயுமுள்ள

13. அரசனை கிழக்கு முகமாக ஸிம்மாஸனத்தில் அமரச் செய்து புண்யாஹதீர்த்தத்தால் பிரோக்ஷித்து பூவினால் முன்பு சொன்ன மந்திரங்களாலும் பூஜித்து

14. எல்லாவற்றையும் (மோதிரம், பூணூல்) அரசனிடம் கொடுத்து ம்ருத்யுஞ்ஜய மந்த்ரத்தை உச்சரித்துக் கொண்டு ஆசார்யன் வடக்கு முகமாக இருந்து அரசனின் வலது கையில் காப்புகட்டுதலை செய்ய வேண்டும்.

15. ஸர்வேச்வரனை பிரார்த்தித்து விபூதியை கொடுத்தோ அல்லது முறைப்படி ஈசாநன் முதலிய மந்திரங்களினால் விபூதியை கொடுக்க வேண்டும்.

16. ப்ருஹத்ஸாம என்ற மந்திரத்தை சொல்லி விபூதியை கொடுக்க வேண்டும். பொறி, புஷ்பங்கள் இவைகளுடன் கூட தேங்காய்களை

17. சுற்றிலும் வைத்தோ காப்பு கட்டுதலைச் செய்யவும். பிறகு யஜமானன் ஆசார்யனையும் ஜோஸ்யரையும் புரோஹிதரையும் பூஜிக்க வேண்டும்.

18. எல்லா பிராம்ணர்களையும் ஸ்வஸ்தி மங்கள வாசகத்தோடு கவுரவிக்க வேண்டும். இந்த முறைப்படியே ஸர்வேச்வரனான பரமேச்வரனுக்கும் காப்பு கட்டுதலை செய்யவேண்டும்.

19. இவ்விதமே மற்ற தேவதைகளுக்கும் பிராம்மண க்ஷத்ரிய, வைச்ய, சூத்ர என்ற நான்கு வர்ணத்தாருக்கும் செய்ய வேண்டும்.

இவ்வாறு உத்தரகாமிக மஹாதந்த்ரத்தில் ரக்ஷõ பந்தன விதியாகிற எண்பத்தி இரண்டாவது படலமாகும்.

படலம் 81: கிருஹயக்ஞ விதி

81வது படலத்தில் நவக்கிரஹ பூஜை முறை கூறப்படுகிறது. முதலில் எந்த காரணத்தால் எல்லா கிரஹங்களின் கிரஹ சாரத்தால் எல்லா துன்பமும் ஏற்படுகிறதோ அந்த கிருஹ சாரத்திலிருந்து விடுபடுவதற்கு நவக்கிரஹங்களின் பிரீதியை கொடுக்கக்கூடிய கிருஹ யக்ஞம் பற்றி கூறுகிறேன் என்பது கட்டளையாகும். பிறகு மண்டபத்திலோ கிருஹத்திலோ 9 பாகம் செய்யப்பட்ட பூமியிலோ நதீக்ஷிதர்களுடன் கூடி ஆசார்யன் நவக்கிரஹங்களை பூஜித்து ஹோமம் செய்யவேண்டும் என கூறப்படுகிறது. பிறகு ஓம்காரம் முதல் நம: வரையிலாக அந்தந்த பெயரால் நவக்கிரஹங்களின் பூஜை செய்யவும் எனக்கூறி விருத்தம் முதலிய 9 மண்டல முறையும் தியானத்திற்காக நவக்கிரஹங்களின் நிறங்களும் விளக்கப்படுகின்றன. பிறகு பூஜா முறையும், ஹோம முறையும் நிரூபிக்கப்படுகிறது. அங்கே தூப, தீப, நைவேத்ய திரவ்யங்களும், ஹோம திரவ்யங்களும் நிரூபிக்கப்படுகின்றன. ஹோம திரவ்ய விஷயத்தில் நவக்கிரஹங்களை அனுசரித்து ஒன்பது விதமான சமித்துக்கள் கூறப்படுகின்றன. இங்கே எல்லா சமித்துக்களும் பாலுள்ள விருக்ஷத்திலிருந்து இருக்கவேண்டும் என்று கூறப்படுகிறது. ஸ்ருக், ஸ்ருவம், லக்ஷணத்துடன் கூடியதாக இருக்கவேண்டும் அல்லது பலாச இலையினாலோ ஹோமம் செய்யலாம் என கூறப்படுகிறது. ஹோமம் முடிவில் பயனை அடைவதற்காக ஹோமம் செய்தவர்களுக்கு தட்சிணை கொடுக்கவும். இவ்வாறு நவக்கிரஹ ஹோம விதியில் செய்யவேண்டிய முறை கூறப்படுகிறது. இவ்வாறு 81 படலத்தின் கருத்து சுருக்கமாகும்.

1. எதனால் எல்லா துக்கங்களும் யாவருக்கும் நவக்ரஹ சாரத்தினாலே உண்டாகுமோ அந்த நவக்ஹங்களுக்கு ப்ரீதியான க்ருஹயக்ஞத்தை கூறப்போகிறேன்.

2. மண்டபம் முதலிய இடத்திலோ வீட்டிலோ இடத்தை ஒன்பது பங்காக பிரித்து சிவதீøக்ஷ பெற்றவர்களோடு தேசிகர் பூஜை செய்து ஹோமம் செய்ய வேண்டும்.

3. சூர்யன், சந்திரன், அங்காரகன், புதன், ப்ருஹஸ்பதி, சுக்ரன், சுநைச்சரன், ராகு, கேது என்ற ஒன்பது பெயர்களாலும் பூஜிக்க வேண்டும்.

4. ஆசார்யன் ஓம் என்ற பிரணவத்தை முதலில் வைத்து நம: என்ற பதத்தை கடைசியில் கூறி மண்டலத்தில் பூஜிக்க வேண்டும். அந்த மண்டலமானது முதலில் வட்டவடிவம், நாற்கோணம், முக்கோணம், பாணம் (அம்பு) போன்றும்

5. நீண்ட சதுரம், ஐந்து கோணம், வில் போன்றும் முறம் போன்றும் கொடி போன்றும் மண்டலங்கள் கூறப்பட்டுள்ளது. கிரஹங்களின் நிறம் கூறப்படுகிறது.

6. சூர்யன் அங்காரகன் இவர்கள் சிவப்பு வர்ணமும், சுக்ரனும் சந்திரனும் வெள்ளைநிறமும், புதனும், குருவும், மஞ்சள் நிறமானவர்களாக ஸ்மரிக்க வேண்டும்.

7. சனைச்சரன், கருப்புநிறமும், ராஹுவும் கேதுவும், அதே நிறமான கருப்பு நிறமாவர். வித்வானவன் இவ்வாறு வரிசையாகத் தியானித்து சந்தனம் புஷ்பம் இவைகளால் பூஜிக்க வேண்டும்.

8. எல்லா மூர்த்திக்கும் குங்குலியத்தால் தூபமும் நெய்யாலோ, எண்ணையாலோ தீபம் கொடுத்து, நெல்லிலிருந்து உண்டான அரிசியால் பக்குவப்படுத்திய அன்னத்தை நிவேதனம் செய்ய வேண்டும்.

9. சருவிற்காக செந்நெல்லிலிருந்து உண்டான அரிசியால் பக்குவப்படுத்திய அன்னத்தை நிவேதனம் செய்ய வேண்டும்.

10. ஸமித்து நெய், எள் இவைகளினால் ஹோமத்தை செய்யவும். வெள்ளெருக்கு புரசு, கருங்காலி நாயுருவி ஆகிய சமித்துகளையும்

11. அரசு, அத்தி, வன்னி, அருகம்பில், தர்ப்பை இவைகளையும் புரசு, கருங்காலி இவைகளையாவது வரிசையாக ஹோமம் செய்ய வேண்டும்.

12. பாலுள்ள மரத்தில் உண்டானதும், புரசு, கருங்காலி இந்த மரங்களால் உண்டானதும் பிரசித்தமானதும் ஆன ஸ்ருக் ஸ்ருவத்தை லக்ஷணப்படி அமைத்தோ அல்லது புரசு இலையினாலோ ஹோமம் செய்ய வேண்டும்.

13. ஹோம முடிவில் ஹோமம் செய்ததின் பயனை அடைவதற்காக ஹோமம் செய்பவரான ஆசார்யனுக்கு தட்சிணையை கொடுக்க வேண்டும்.

இவ்வாறு உத்தரகாமிக மஹாதந்த்ரத்தில் கிருஹயக்ஞ விதியாகிற எண்பத்தி ஒன்றாம் படலமாகும்.

படலம் 80: புஷ்யாபிஷேக விதி

80வது படலத்தில் புஷ்யாபிஷேக விதி கூறப்படுகிறது. கிரஹணம் முதலிய எல்லா அபசகுனத்தை போக்குவதற்கும் பாபத்தைப் போக்கக்கூடிய பரிசுத்தமான புஷ்யாபிஷேகம் பற்றி கூறுகிறேன் என்று பிரதிக்ஞையாகும். பிறகு அரசனின் அபிஷேகத்திற்காக புண்யமான தேசத்தில் பந்தல் அமைக்கும் விதி கூறப்படுகிறது. இங்கே 12 கால்களை உடையதாக, நடுக்கால் இன்றி நடுவில் வேதிகை அழகாக அமைத்து, பந்தல் அமைக்கவும் பந்தலின் மேற்கு பாகம், தெற்கு பாகத்திலும் இரண்டு வேதிகை அமைத்து பக்கத்தில் படி உள்ளதாகவும் அமைக்கவும் என கூறப்படுகிறது. பிறகு தைமாசத்தில் பூச நக்ஷத்திரத்தில் புண்யமான தீர்த்தங்களில் பரிசுத்தமான இடத்திலும் நந்தவனங்களிலும் சிவாலயத்திலும் கிழக்கு, வடக்கு, வடகிழக்கு பிரதேசங்களிலோ, ஆசார்யன் ஜ்யோதிஷனுடன் கூடி அபிஷேக ஆரம்பத்திற்கு முன் தினம் சந்தனம் புஷ்பம், இவைகளுடன் தயிர், பொறி அக்ஷதையுடன் கூடின பலியை தேவாதிகளுக்கு கொடுத்து பலிதான விஷயத்தில் கூறப்படுகிற தேவதைகளின் ஆஹ்வான மந்திரம் கூறப்படுகிறது. பலிதானத்திற்கு பிறகு ராத்திரியில் அரசனுடைய கனவை பரீக்ஷித்து சுபமான கனவாக இருப்பின் கர்மாரம்பத்தை ஆரம்பம் செய்யுவும். கெட்ட கனவாக இருப்பின் பரிஹாரம் செய்து அதற்கு பிறகு அபிஷேக கார்யாரம்பம் செய்ய வேண்டும் என கூறப்படுகிறது. முன்பு ஏற்படுத்தப்பட்ட பந்தலையோ, மண்டபத்தையோ தோரணங்கள் கூடியதாக அழகு படுத்தவும் பிறகு முன்பு கூறியபடி மங்களாங்குரார்ப்பண கார்யம் செய்யவேண்டுமென்று அங்குரார்ப்பணம் செய்வது நிரூபிக்கப்படுகிறது. பத்திராசனத்தை அதன் தெற்கு பாகத்தில் படியுடன் கூடிய பாதத்தை உடையதான ஆசனமும் செய்யவும் என்று கூறி பத்திராசனம், ஆசனம் இவைகளின் செய்யும் முறை விரிவாக கூறப்படுகிறது. அதில் பத்திராசனத்தில் முன்னும் பின்னுமாக இரண்டு படி அமைத்துச் செய்யவும் எனக் கூறப்படுகிறது. பின்பு அபிஷேக தினத்தின் முன்தினம் அபிவிருத்திக்காகச் செய்ய வேண்டிய சிரார்த்தம் முறைப்படி வேண்டும் என கூறப்படுகிறது. அந்த நாளில் இரவில் ரக்ஷபந்தனமும் செய்ய வேண்டும் என அறிவிக்கிறார். மறுதினம் காலையில் ஹோமம் செய்ய வேண்டும் என கூறப்படுகிறது. பிறகு மண்டலம் அமைக்கும் முறை விளக்கப்படுகிறது. அங்கே ஆறு கை அளவு மண்டல அளவு செய்து, அதை நூறு பாகமாக பிரித்து, அந்த நூறு பாகங்களில் ஜம்பூத்வீபத்தை எழுதும் முறை வர்ணிக்கப்படுகிறது.

பாரதவருஷம், இமயமலை, கிம்புருஹ வருஷம், ஹேமகூடமலை, ஹரிவருஷம் நிஷத மலை, குரு வருஷம் சிருங்கமலை, ஹிரண்ய வருஷம் வெண்மையான மலை, ரம்யவர்ஷம் நீலவர்ண மலை, பத்ர வருஷம், மால்யவான் மலை, கேதுமாலவருஷம் கந்தமாதன மலை, இலாவிருத விருஷம், மேருபர்வதம் இவைகளின் கல்பனத்தை வலமாக விளக்குகிறார். இவ்வாறு நூறு பாகம் உடைய ஜம்பூத்தீபத்திற்கு வெளியில் லவண சமுத்திரம் வர்ணிக்கப்படுகிறது. த்வீபங்களுக்கு பிறகு தயிர் சமுத்திரம், அதற்கு பிறகு தீபம், விஷயமாக உப்பு, பால், நெய், கருப்புஞ்சாறு, நல்ல தீர்த்தமாகிய ஆறு சமுத்திரங்களும் சாக, குச, கிரவுஞ்ச, சால்மலி, கோமேத புஷ்கலம், ஆகிய ஆறு த்வீபங்களும் இருக்கின்றன என்றும் ஏழு த்வீபம், ஏழு சமுத்திரங்களின் இருப்பிடம் வர்ணிக்கப்படுகிறது. சுத்த ஜப சமுத்ரத்திற்கு பிறகு தேவர்களின் விளையாட்டிற்காக பத்து கோடி அளவுள்ள லோகாலோக பர்வதம் பிரகாசிக்கிறது என்று வர்ணிக்கப்படுகிறது. பிறகு இமயமலையில் நாற்பத்தி மூன்று எண்ணிக்கையுள்ள பிசாசர்கள் இருக்கிறார்கள் என்று கூறி அவர்களின் பெயரைக் குறிப்பிட்டு, அவர்களுக்கு பூஜை செய்வித்து ரக்ஷõ சூத்ரங்களுடன், மாம்சான்னம், கள் இவைகளால் பலி கொடுக்கவேண்டும் என கூறப்படுகிறது. ரக்ஷõசூத்ரம், வஸ்திரம், கொடி, ஆபரணம் பூணூல் என்று ரக்ஷõபந்தனம் முதலான பொருள்களின் விபரம் இந்த படலத்தில் 103வது ஸ்லோகத்தில் கூறப்பட்டுள்ளது. பிறகு ச்வேதாசலத்தில் அறுபத்தி நான்கு எண்ணிக்கை உள்ள திதியின் புத்ரர்களான அசுரர்கள் இருக்கிறார்கள் எனக் கூறி அவர்களின் பெயர்களையும் குறிப்பிட்டு அவர்களுக்கு முன்பு கூறியபடி பூஜை முதலாக பலியைக் கொடுக்க வேண்டும் எனக் கூறப்படுகிறது. பிறகு ச்ருங்கவான் என்ற மலையில் 31 பித்ருக்கள் வசிக்கிறார்கள் என்று கூறி அவர்களின் பெயரைக் குறிப்பிட்டு அவர்களுக்கு ரக்ஷõபந்தனம் முதலியவைகளால் நல்லெண்ணெய், மாம்சங்களாலும், அன்னங்களாலும், பூஜை முன்னிட்டதாக பலி கொடுக்க வேண்டும் எனக் கூறப்படுகிறது. இங்கு ஆதித என்ற பித்ருக்கள் முதற்கொண்டு பெயர்களைக் குறிப்பிட்டு இவர்கள் தனித்தனியாக மூன்று பெயர்களை உடையவரான கனங்களாக இருக்கிறார்கள்.

ஆகையால் இவர்கள் இருபத்தி ஒன்று பெயர்கள் எனக் கூறப்படுகிறது. பிறகு பத்து பெயர்கள் குறிப்பிடப்படுகின்றன. ஆக மொத்தம் முப்பத்து ஒரு எண்ணிக்கை உள்ள பித்ருக்கள் கூறப்படுகிறார்கள். பிறகு நீலாசலத்தில் நாற்பத்து ஒன்று எண்ணிக்கையுள்ள முனிவர்கள் வசிக்கிறார்கள் என்று கூறி அவர்களின் பெயர்களைக் குறிப்பிட்டு, அவர்களுக்கு சந்தனங்களாலும் ரக்ஷõபந்தனங்களாலும், அவர்அவர்களின் பெயர்களால் ரிக், யஜுர், ஸாம வேத மந்த்ரங்களாலோ, பூஜை செய்யவேண்டும் என்று கூறப்படுகிறது. பிறகு நிஷதபர்வதத்தில் அனந்தன் முதலான எட்டு நாகர்கள் வசிக்கிறார்கள் என்று கூறி அவர்கள் பெயரைக் குறிப்பிட்டு அவர்களுக்கு ரக்ஷõபந்தனம் கொடுத்து சர்க்கரை, தேன், நெய், நைவேத்யம் இவைகளைக் கொடுப்பதன்மூலம் பலவிதமான சந்தன, புஷ்பங்களால் பூஜிக்கவேண்டும் என்று கூறப்பட்டிருக்கிறது. மஹாமேரு பர்வதத்தில், எட்டு வசுக்கள், பதினொரு ருத்ரர்கள். பனிரண்டு சூரியர்கள், பிரஜாபதி, வஷட்காரம் என்று முப்பத்தி மூன்று தேவர்கள் வசிக்கிறார்கள் என்று கூறி அவர்களின் பெயரைக் குறிப்பிட்டு, அவர்களுக்கு ரக்ஷõபந்தனம் கொடுத்து, தூபம், நமஸ்காரம் இவைகளால் பூஜித்து, அவர்களைக் குறித்து, அக்னியில் நெய்யால் ஹோமம் செய்யவேண்டும் என கூறப்படுகிறது. பிறகு ஹேமகூடம் வரையில் கந்தர்வர்கள், அப்சரஸ்திரீகள் பூஜிக்கப்படுபவர் என்று கூறி சித்ரசேனன் முதலிய இருபத்தி ஏழு பெயர்களைக் குறிப்பிடப்படுகின்றன. அப்சர ஸ்திரீகளின் விஷயத்தில் அக்ருத்தியர்கள் 14பேர், மேனகை முதலானோர் 24 பெயர் என கூறப்படுகின்றன. பிறகு மறுபடியும் நீலாசலத்தில் இருக்கின்ற சித்தர்கள் 8 நபர்களை பலவர்ண பலிதானத்தினால் பூஜித்து அவர்களுக்கு ரக்ஷõபந்தனம் முதலிய கொடுக்கவும் என கூறப்படுகிறது. திரும்பவும் மேரு பர்வதத்தில் இருக்கின்ற சூரியன் முதலிய நவகிரஹங்கள் அபிஜித் நக்ஷத்திரத்தோடு கூடிய 27 நக்ஷத்ரங்கள் சப்த மாத்ருக்களோடு, வீரபத்ரன், கணபதி, இந்திரன் முதலான எட்டு திக் பாலகர்களோடு, பிரம்மா, விஷ்ணு, மஹாதேவன், ஸ்கந்தன் இவர்களையும் பதினான்கு தேவ ஸ்திரீகளுடன் கூடிய தச்சர் இருவர்களையும் பெயரோடு குறிப்பிட்டு அவர்களுக்கு முறையாக ரக்ஷõபந்தனம் கொடுத்து ஐந்துவித வர்ண அன்னங்களைப் பலி கொடுக்கவேண்டும் எனக் கூறப்படுகிறது.

இங்கு மண்டல கர்மத்தில் கூறப்பட்டுள்ள மால்யவான். கந்தமாதனபர்வதம் இன்றி மற்ற ஹிமாலயம் முதலிய ஏழுமலைகள் பூஜையில் உபயோகிக்கப்படுகின்றன. நீலாசல மேரு பர்வதம் இரண்டு முறை கூறப்பட்டுள்ளன. இந்த விஷயம் ஆராய்ச்சிக்கு தகுந்தது அல்ல. பிறகு முன்பு ஏற்படுத்தப்பட்ட கூடத்தில் மேற்கில் உள்ள கூடத்தில் மேற்கில் உள்ள வேதிகையில் நூல் வஸ்திரம், தேங்காய், மாவிலை இவைகள் கூடிய நெய் நிரப்பப்பட்ட எட்டு அல்லது இருபத்தெட்டு, நூற்று எட்டு கடங்களை ஸ்தாபித்து மூளைகளில் நூல், வஸ்திரம் முதலியவைகளோடு கூடிய பதினாரு கடங்களை ஸ்தாபித்து அதில் திரவ்யங்களை அர்பணிக்கவும் என்று கூறி அங்கு அர்பணிக்க வேண்டிய முக்கியமான மருந்துவகைகள் கூறப்பட்டு இருக்கின்றன. பிறகு அந்த வேதிகையில் விருஷபத்தின் தோல், சிங்கத்தின் தோல், புலித்தோல், யானைத்தோல் ஆகிய நான்கு தோல்களை விரிக்கவும் எனக் கூறியுள்ளார். அதற்கு மேல் பத்திரபீடத்தில் சிம்மாசனம்வரை ஆசனம் பூஜித்து மிருத்ஞ்ஜிய மந்திரம் கூறி கந்த புஷ்பங்களால் பூஜிக்கவும் என கூறி பிறகு சார்வபவும மண்டல விஷயத்தில் ஆசனம் பூஜிப்பது உயர்ந்தது, மத்யமமானது என பேதமாக கூறப்பட்டு உள்ளது. ஆசனத்தில் மேல் மத்தியில் ஸ்வர்ண புஷ்பம் வைத்து அங்கு புரோஹிதர் முதலான ஜோஸ்யர்களால் சைன்யங்களுடன் கூடிய அரசர்களாலும், அமைச்சர்களாலும் சூழப்பட்ட அரசனை அமர்த்தவும். பிறகு அரசரின் அபிஷேக முறை கூறப்படுகிறது. ஆசார்யன் ஐந்து அணிகலன்கள் அணிந்து வெட்டப்படாத வெண்பட்டை தரித்து வேத புண்யாக மந்திர சப்தங்களாலும் நாட்ய, வாத்ய, பாட்டு முதலிய மங்களமான சப்தங்களாலும் கூறி வடக்கு முகமாக கம்பளத்தினால் ராஜாவை போர்த்தி நெய்யின் மந்திரத்தைக் கூறி நெய் குடங்களை அபிஷேகம் செய்யவும். கம்பளத்தை எடுத்து பூஜிக்கப்பட்ட கும்ப தீர்த்தத்தினாலும் பலவித மெதுவான பழங்களாலும், வாசனையுள்ள புஷ்பங்களாலும் அபிஷேகம் செய்யவேண்டும் என கூறி அபிஷேகம் செய்யும் சமயத்தில் சொல்லவேண்டிய மந்திரங்களும் கூறப்பட்டுள்ளன. இங்கு முடிவில் இந்த மந்திரங்களாலும் மற்ற அதர்வண வேத மந்திரங்களாலும் ருத்திரபாராயணத்திலோ மற்றவர்கள் செய்யவும் என பல மந்திரங்கள் கூறப்பட்டுள்ளன.

ஜல சமுத்திரத்திற்கு பிறகு யக்ஷரர்களை பலநிறம் உடைய தானத்தினால் பூஜித்து ரக்ஷõபந்தனம் அவர்களுக்கு கூறி யக்ஷர்களின் பெயர் விளக்கப்படுகின்றன. பிறகு நீலாசலம் என்ற மலையில் இருக்கும் 8 சித்தர்களை பலநிறம் உடைய பலிதானத்தால் ரக்ஷõபந்தனம் முதலியவைகள் கொடுத்து அவர்களை பூஜிக்கவும் என கூறப்படுகிறது. மறுபடியும் மேருமலையில் ஆதித்யாதி நவக்கிரஹங்கள் அபிசித் நக்ஷத்திரத்துடன் கூடிய 27 நக்ஷத்திரங்கள் ஸப்த மாதாக்களுடன் கூடின வீர, விக்னேசர் திக்பாலகர்களுடன் கூடின பிரம்மா, விஷ்ணு, மஹாதேவன் இவர்கள் 14 தேவ ஸ்திரீகளுடன் கூடிய இரண்டு வைத்யர்கள் ஆகிய இவர்களின் பெயர்களை குறிப்பிட்டு அவர்களுக்கு முறையாக ரக்ஷõபந்தனம் முதலியவை கொடுத்து 5 நிறம் உடைய ஹவிஸ் பலி கொடுத்து பூஜை செய்யவும் என கூறப்படுகிறது. இங்கு மண்டலம் அமைக்கும் முறையில் மால்யவான், கந்தமாதன பர்வதம் இன்றி மற்ற இமயமலை முதலிய ஏழுமலைகள் பூஜை விஷயத்தில் விளக்கப்படுகின்ற நீலாசலமும், மேரு பர்வதமும் இவை இரண்டும் இருமுறை கூறப்படுகிறது. இந்த விஷயமானது விமர்சிப்பதற்கு பிறகு முன்பு தயாரிக்கப்பட்ட பந்தலில் மேற்கு வேதிகை வஸ்திரம் தேங்காய், மாவிலை, இவைகளால் அலங்கரிக்கப்பட்ட நெய்யால் நிரப்பப்பட்ட 8,28,108, என்ற எண்ணிக்கையாலோ ஸ்தாபித்து அங்கு ஆக்னேயாதி கோணங்களில் நூல் வஸ்திரம் முதலியவையுடன் கூடிய 16 கும்பங்களை ஸ்தாபித்து அதில் திரவ்யங்களை நிரப்பவும் எனக் கூறிஹோமவிதி முதலிய விசேஷமான திரவ்யங்களை கூறப்படுகிறது. பிறகு அந்த வேதிகையில் விருஷபத்தின், சிங்கத்தின் தோல், புலித்தோல், யானைத்தோல், ஆகிய நான்கு தோல்களை விரிக்கவும் எனக்கூறியுள்ளார். அதற்கு மேல் பத்திரபீடத்தில் சிம்மாசனம் வரை. ஆசனம் பூஜித்து மிருத்ஞ்ஜிய மந்திரம் கூறி கந்த புஷ்பங்களால் பூஜிக்கவும் என கூறி பிறகு சார்வபவும மண்டல விஷயத்தில் ஆசனம் பூஜிப்பது உயர்ந்தது, மத்யமமானது என பேதமாக கூறப்பட்டுள்ளது.

ஆசனத்தின் மேல் மத்தியில் ஸ்வர்ண புஷ்பம் வைத்து அங்கு புரோஹிதர் முதலான ஜோஸ்யர்களால் சைன்யங்களுடன் கூடிய அரசர்களாளும் அமைச்சர்களாலும் சூழப்பட்ட அரசனை அமர்த்தவும். பிறகு அரசரின் அபிஷேக முறை கூறப்படுகிறது. ஆசார்யன் ஐந்து அணிகலன்களை அணிந்து வெட்டப்படாத வெண்பட்டை தரித்து வேத, புண்யாக மந்திர சப்தங்களாலும் நாட்ய, வாத்ய, பாட்டு முதலிய மங்களமான சப்தங்களாலும் கூறி வடக்கு முகமாக கம்பளத்தினால் ராஜாவை போர்த்தி நெய்யின் மந்திரத்தை கூறி நெய் குடங்களை அபிஷேகம் செய்யவும். கம்ளபத்தை எடுத்து பூஜிக்கப்பட்ட கும்ப தீர்த்தத்தினாலும் பலவித மெதுவான பழங்களாலும் வாசனையுள்ள புஷ்பங்களாலும் அபிஷேகம் செய்யவேண்டும் என கூறி அபிஷேகம் செய்யும் சமயத்தில் சொல்லவேண்டிய மந்திரங்களும் கூறப்படுகின்றன. இங்குமுடிவில் இந்த மந்திரங்களாலும் மற்ற அதர்வண வேத மந்திரங்களாலும் உருத்திராத்யயத்தினாலோ மற்றவர்கள் செய்யவும் என பல மந்திரங்கள் கூறப்படுகின்றன. அபிஷேகத்திற்கு பிறகு லோகாலோகமலையில் தேவர்கள் விளையாடுவதற்கு பத்து கோடி தண்டம் அளவுள்ள இடம் பிராசிக்கிறதாக வர்ணிக்கப்படுகிறது. இமாலயத்தில் 34 எண்ணிக்கையுள்ள பிசாசர்கள் இருக்கிறார்கள் அவர்களின் பெயரும் குறிக்கப்பட்டு அவைகளின் பூஜை முறைப்படி வர்ணிக்கப்பட்டு மாம்சான்னம், கள் இவைகளால் பலிகொடுக்க வேண்டும் என கூறப்படுகிறது. ரக்ஷõபந்தனம், வஸ்திரம் பூஷணம் பூணல், என்றும் ரக்ஷõபந்தனம் முதலிய விவரணங்கள் இந்த படலத்திலே நூற்றி மூன்றாவது ஸ்லோகத்தில் காணப்படுகிறது. பிறகு ஸ்வேதாசலத்தில் அறுபத்தி நான்கு அசுரர்கள், தானவர்கள் இருக்கிறார்கள் எனக் கூறி அவர்களின் பெயர் குறிப்பிட்டு அவர்களுக்கு முன்பு போல் பூஜை செய்யும் விதியும் பலியும் செய்யவும் என கூறப்படுகிறது. பிறகு சிருங்கவத்யசலம் என்ற மலையில் 31 எண்ணிக்கை உள்ள பிதுர்க்கள் வசிக்கிறார்கள் என்று கூறி அவர்களின் பெயரையும் கூறி அவர்களுக்கு ரக்ஷõபந்தனம் முதலியவைகளாலும் நல்லஎண்ணை, அன்னம், மாம்சம், இவைகளாலும் பூஜைமுறைப்படி பலிகொடுக்கவும் என கூறப்படுகிறது. இங்கு ஆதிதர் என்ற பிதுர் தேவர்கள் முதல் கொண்டு ஏழு பேர்களையும் குறிப்பிட்டு இவர்கள் தனித்தனியாக மூன்று எண்ணிக்கை உடைய கணங்களாக ஆகிறார்கள்.

ஆகையால் இவர்கள் 21 எண்ணிக்கை உடையவர்களாக இருக்கிறார்கள் என கூறப்படுகிறது. பிறகு 10 பெயர்கள் கூறப்படுகின்றன. பிறகு 10 பெயர்கள் கூறப்படுகின்றன. ஆக மொத்தம் 21 எண்ணிக்கை உள்ளன. பிதுர்க்கள் சித்திக்கிறார்கள். பிறகு நீலாசலம் என்ற மலையில் உள்ள முனிவர்கள் வசிக்கிறார்கள் என்று கூறி அவர்களின் பெயரையும் குறிப்பிட்டு அவர்களை சந்தனம், ரக்ஷõபந்தனம் இவைகளாலும் அவரவர் பெயர்களாலும் ரூக், யஜூஸ், ஸாம, மந்திரங்களாலுமோ, பூஜை செய்ய வேண்டும் என கூறியுள்ளார். பிறகு நிஷத பர்வதத்தில் அனந்தாதி எட்டு நாகர்கள் வசிப்பதாக கூறி அவர்களின் பெயர்களையும் கூறி அவர்களுக்கு ரக்ஷõ பந்தனம் முதலியவை கொடுத்து சர்க்கரை, தேன், நெய் இவைகளின் நைவேத்ய அர்பண பிரகாரம், கலப்படம் இல்லாத கந்த புஷ்பங்களால் பூஜிக்க வேண்டும் என கூறப்படுகிறது. பிறகு மஹாமேரு பர்வதத்தில் அஷ்டவசுக்கள், பதினோருத்திரர்கள், பன்னிரண்டு ஆதித்யர்கள், பிராஜாபதி, வஷட்காரம் என முற்பத்திமூன்று தேவர்கள் வசிக்கிறார்கள் என்று கூறி அவர்களின் பெயரை குறிப்பிட்டு அவர்களுக்கு ரக்ஷõ பந்தனம் முதலியவை சமர்பித்து நமஸ்காரங்களாலும் தூபங்களாலும் பூஜித்து அவர்களை குறித்து அக்னியில் நெய்யால் ஹோமம் செய்யவும் என கூறப்படுகிறது. பின்பு ஹேமகூடமலையில் கந்தர்வர் அப்ஸரஸ்திரீகள் பூஜிக்கப் படுபவர்களாக கூறி சித்ரசேனம் முதலிய 27 பெயரை உடைய கந்தர்வர்கள் கூறப்படுகின்றன. அப்ஸர ஸ்திரீகளின் விஷயத்தில் அகிருத்யம் முதலியவர்கள் 14 பேரும் மேனகை முதலியவர்களுமான 24பேரும் கூறப்படுகின்றன. முன்பு கூறப்பட்ட கந்தர்வர்கள் அப்ஸரஸ்திரீகள் இவர்களுக்கு ரக்ஷõபந்தம் கொடுத்து நல்ல வாசனை உடைய சந்தனங்களாலும், புஷ்பங்களாலும் பூஜிக்கவும் என கூறப்படுகிறது. பிறகு மறுபடியும் ஹேமபர்வ அல்லது ஹேம கூடபர்வதத்திலோ இருக்கும். அபிஷேகத்திற்குப் பிறகு சத்திரியர்களின் அரசன் பருத்தி ஆடை அணிந்து புண்யாக மந்திரங்கள் சங்கத்வணி பெரியதாக சப்தத்துடன்கூடி ஆசமனம் செய்து தேவர்களை ஆசார்யன் பிராம்மணர்களையும் பூஜிக்கவும் என கூறப்படுகிறது. கொடி, ஆயுதம், வெண் கொடை இவைகளையும் முன்பு கூறிய மந்திரங்களால் பூஜிக்கவும் என கூறப்படுகிறது.

முன்பு துர்கா பூஜா படலத்தில் கொடி முதலியவைகளின் மந்திரங்கள் கூறப்பட்டுள்ளன. பிறகு ஹோம வேதிகையை அடைந்து அங்கு விருஷபம் , கலைமான், கருப்பு கலைமான், சிம்மம், புலி, இவைகளின் தோல்களை உரித்து அமர்ந்து அங்கு குண்டத்திலோ, ஸ்தண்டிலத்திலோ நாபிஸ்தானத்தில் அமர்ந்து உத்தம ஆசார்யன் சமித்நெய், இவைகளால் நூறு எண்ணிக்கையாக ஹோமம் செய்யவேண்டும் என கூறப்படுகிறது. இங்கு ஹோம விஷயத்தில் மிருத்யுஞ்சய மந்திரமே உயர்ந்ததானது அறிவிக்கப்படுகிறது. பிறகு ஹோம முடிவில் உத்தம ஆசார்யன் அஞ்சலிகையுடன் கூட எல்லா தேவகணங்களும் இந்த பூஜையை கொண்டு பூமியிலிருந்து செய்யட்டும். அதிகமான சித்தியை கொடுத்து விட்டு மறுபடியும் வரவேண்டும், என கூறவும் என்று அந்த பூஜாகாலத்தில் ஆசார்யனுக்கு தட்சிணை கொடுக்கவும் என கூறுகிறார். விசேஷமாக பிராமணர்களுக்கு தானம் செய்யவும். எல்லா ஜனங்களையும் கட்டுப்பாட்டில் இருந்து விடுவிக்கவும். ஸ்வாமியை வணங்கி அவருக்கு கிராமம், ஸ்வர்ணம் முதலியவைகளை சமர்பிக்கவும். பிறகு சந்தோஷமனதை உடையவனும் கிரீடம் முதலிய ஆபரணங்கள் அணிந்தவனுமாக யானையின் மேல் ஏறி மாளிகையை அடையவும் என்பதான கார்ய தொகுப்பு புஷ்யாபிஷேக விதியின் முடிவில் எல்லா அபசகுனம் நீங்குவதற்கும் எல்லா வியாதி நீங்குவதற்கும், ஸார்வபவும பிரசித்தத்திற்கும் ஆயுள், ஆரோக்ய சித்திக்கும், எதிரிகளை ஜயிப்பதற்கும், அந்த இடத்தில் அரசனுக்கு புஷ்பாபிஷேகம் ஒவ்வொரு வருடமும் அனுஷ்டிக்கவும் என்று பலஸ்ருதி கூறப்படுகிறது. இவ்வாறாக 80வது படல கருத்து சுருக்கமாகும்.

1. பரிசுத்தமானதும் பாபத்தை போக்கக் கூடியதும், உத்பாதம் முதலிய அபசகுணங்களை அழிக்க வல்லதுமான புஷ்யாபிஷேகம் பற்றி கூறுகிறேன். ஹே பிராம்மண உத்தமர்களே கேளுங்கள்.

2. அழகான புண்ய தேசத்தில் பன்னிரண்டு (12) முழம் அளவுள்ளதாக பக்தியுடன் சுபமான கொட்டகை அமைக்கவும். மத்ய ஸ்தம்பமும் அமைக்க வேண்டும்.

3. மத்தியில் வேதிகை அமைத்து பன்னிரண்டு ஸ்தம்பம் அமைக்கவும். கண்ணாடி போல் அழகாக அலங்கரிக்கப்பட்டதாக அமைக்க வேண்டும்.

4. அதன் மேற்கு பாகத்திலும் தெற்கிலும் மண்டபத்திற்கு வெளியாக இரண்டு வேதிகை ஐந்து, ஆறு முழ அளவுள்ளதாக அமைக்க வேண்டும்.

5. ஒரே அளவான நாற்கோணமாகவும் இரண்டு முழம் உயரம் உள்ளதாகவும் இரண்டு பக்கமும் இரண்டு படிக்கட்டுள்ளதாகவும்

6. இவ்வாறாக எல்லாவற்றையும் அமைத்து ராஜாபிஷேகம் செய்யவும், புஷ்ப மாதமான தை மாதத்தில் பூச நக்ஷத்திரத்தில் நீண்டதான தீர்த்த நதிக்கரைகளிலும், கோயில்களிலும்

7. நந்தவனங்களிலும், புண்ய÷க்ஷத்திரங்களிலும், சிவஸ்தானங்களிலும், விசேஷமாக ஆசார்யன் மந்திரத்துடன் கூடியவனாக வடக்கு, கிழக்கு வட கிழக்கு திசைகளில்

8. அபிஷேக ஆரம்ப முதல் நாளில் தைவக்ஞனால் பலி கொடுக்க சொல்ல வேண்டும். நல்ல புத்திமானாவான் தயிர், பொறி அக்ஷதையுடன் சந்தன, புஷ்பம் இவைகளுடன் பலி கொடுக்க வேண்டும்.

9. இங்கு பூஜையில் விருப்பமுள்ளவர்களான எல்லா தேவர்கள் திசையிலுள்ள நாகர்கள் யானைகள், மற்ற எல்லா அம்சத்தை உடையவர்களும் வாருங்கள் (வரவேண்டும்)

10. என்று ஒரே மனதை உடையவனாக எல்லா தேவாதிகளையும் ஆவாஹனம் செய்யவும். முதலில் தன்னுடைய பூஜையை முடித்து, அரசனுடைய சாந்தியை செய்ய வேண்டும்.

11. இவ்வாறாக மேற்கூறியவாறு பலி கொடுத்து ராத்திரியில் ஸ்வப்னத்தின் பயனை அறியவும். சுபமாயிருத்தால் காலையில் ஆரம்பம் செய்யவும். அசுபமாயிருப்பில் பரிஹாரத்துடன் ஆரம்பிக்க வேண்டும்.

12. திவாரம், தோரணம், இவைகளுடன் கூடிய மண்டபத்தை அலங்கரிக்கவும். முன்பு கூறப்பட்ட முறைப்படி அங்குரார்ப்பணம் செய்ய வேண்டும்.

13. ஹே அந்தணர்களே! யக்ஞவ்ருக்ஷத்திலிருந்து, தயார் செய்ததான பத்ராஸநம் அமைக்கவும். ஐந்து ஆறு, மாத்ராங்குலம் முதல் இருபத்தைந்து கை அளவுள்ளதாக

14. பத்ராஸநத்தில் அளவு கூறப்பட்டது அதை பத்திரத்துடன் கூடியதாகவோ பத்ர அமைப்பின்றியோ அமைக்கலாம். விசேஷமாக முன்பக்கமோ பின் பக்கமோ படியுள்ளதாக அமைக்க வேண்டும்.

15. அதன் வடக்கு பாகத்தில் காலுடன் கூடியதாக ஆஸனம் அமைக்கவும். விருப்பப்பட்ட அளவுடன் கூடியதாக படி அமைக்க வேண்டும்.

16. வ்ருத்தி சிராத்தம் என்ற நாந்தி சிராத்தம் செய்வதெனில் முறைப்படி முன்தினமே செய்ய வேண்டும். எல்லா அலங்காரத்துடன் கூடியதாக அங்குரார்ப்பணம் செய்யவேண்டும்.

17. அதிகாலை நவக்ரஹ ஹோமம் முறைப்படி செய்யவும், நான்கு முழம் முதல் ஆறு அங்குலம் வரை அதிகரித்ததாக

18. ஆறு கை அளவு வரையிலாக உள்ளது. மண்டலத்தின் அளவாகும். தெற்கு திசை முதலானதாக நூறு பாகம் செய்யவேண்டும்.

19. தெற்கு திசை முதலாக ஒன்பது அம்சத்தில் தங்கக் கலரில் பாரதவர்ஷம் அமைக்கவேண்டும். வெள்ளை வர்ணமாக இரண்டு பாகத்தில் ஹிமயமலை அமைக்கவும்.

20. ஒன்பதம்சத்தினால் கிம்புருஷவர்ஷம் செய்யவும் அது தங்க கலராகும். இரண்டு பாக அளவில் ஹேம கூடம் என்ற மலை அமைப்பு ஆகும்.

21. ஹேமகூடம் கூறப்பட்டு வடக்கில் ஹரிவர்ஷம் அமைக்கவும். அது தங்ககலர் என கூறப்பட்டு இரண்டு பாகமென்றும், நான்கு பாகத்தால் நிஷதம் அமைக்கவேண்டும்.

22. மேற்கிலிருந்து கிழக்காக இவைகளின் அமைப்பு ஆகும். வடக்கிலுள்ள பாகத்திலிருந்து ஒன்பதம்சம் குருவர்ஷம்.

23. தங்கக் கலராகவும், இரண்டு பாகத்தால் ச்ருங்கவான் என்ற மலையும் மயில் நிறமாக அமைத்து தங்கமயமாக அமைக்க வேண்டும்.

24. ஒன்பது அம்சம் உடைய ஹிரண்யமோ தங்க மயமாகவோ கூறப்பட்டுள்ளது. இரண்டு பாகத்தினால் தங்கநிறமும் வெள்ளையும் கூடியதாக ஸ்வேதாசலம் என்ற மலை அமைப்பை அமைக்க வேண்டும்.

25. ஒன்பது பாகத்தினால் தங்க நிறமுள்ளதாக ரம்யவர்ஷம் அமைக்கவும், இரண்டு பாகத்தினால் வைடூர்யம் போல் நீலாசல மலையும் அமைத்து

26. மீதியுள்ள முற்பத்தி நான்கு பாகத்தில் மத்யமமாக அமைக்கவும், கிழக்கு திசை முதல் முப்பத்தி இரண்டு பாகத்துடன் கூடியதாக

27. வெள்ளை நிறமுள்ள பத்ரவர்ஷம் அமைக்கவும், மேற்கு பாகத்தில் கருப்பு வர்ணமுடையதாக மால்யவான் என்ற மலையை அமைக்க வேண்டும்.

28. மேற்கு திசையிலிருந்து ஆரம்பித்து கேது மாலவர்ஷத்தை அமைக்கவும். முற்பத்திரண்டு பத அளவினால் க்ருஷ்ணவர்ணமாக கந்தமாதன பர்வதம் அமைக்க வேண்டும்.

29. ஸமமாக ஒரு பாகத்தினால் இளாவ்ருத வர்ஷம் அமைக்கவும். ஒரு பாகத்தினால் வெள்ளை வர்ணம் அமைக்கவும், நடுவில் சதுரமான பாகத்தினால்

30. முப்பத்திரண்டு பாகாம்சத்தில் மேருபர்வதம் அமைக்கவும். வடமேற்கு திசையிலிருந்து தென்கிழக்கு திசை வரை வட்டமாக சூத்ரமிட வேண்டும்.

31. அவ்வாறே தென்மேற்கு திசையிலிருந்து வடகிழக்கு திசை வரை மூலை திசைகளின் சூத்ரம் அமைக்கவும். கிழக்கில் வெள்ளை வர்ணமும் தெற்கில் தங்க நிறமும்

32. மேற்கில் கருப்பு வர்ணமும், வடக்கில் சிவப்பு வர்ணமும் மீதமுள்ள எல்லா தேவர்களும் மஞ்சள் நிறமாக சொல்லப்பட்டுள்ளது.

33. நூறு பாக அளவில் ஜம்பூத்வீபமானது கூறப்பட்டுள்ளது. ஜம்பூத்வீப ஸம அளவினாலே லவண சமுத்ரமாகும்.

34. ஜம்பூத்வீப ஸமமாக சாகத்வீபமாகும், அதனிரண்டு மடங்கு அளவினால் ஏழு எண்ணிக்கையுள்ள ஸமுத்ரமும், தீபமும் ஆகும்.

35. லக்ஷம் யோஜனை பரப்பளவுடைய ஜம்பூத்வீபம் கூறப்படுகிறது. அதற்கு வெளியில் அந்த அளவினால் லவண சமுத்ரமும் கூறப்படுகிறது.

36. லவண ஸமுத்திரத்திலிருந்து இரண்டு மடங்கு பாற்கடலும், பாற்கடலைப் போல் இரண்டு மடங்கு தயிர் கடலும், தயிர் கடலிலிருந்து இரண்டு மடங்கு நெய்யும், நெய்யைப் போல் இரண்டு மடங்கு கரும்புச்சாறு கடலும்,

37. கரும்புசாறு கடலிலிருந்து இரண்டு மடங்கு தேன்மயமான கடலும், தேன்மயமான கடலிலிருந்து நல்ல நீர் கடலும் ஜம்பூ த்வீபத்திலிருந்து சாகத்வீபமும் சாகத்வீபத்திலிருந்து குசத்வீபமும்

38. குசத்வீபத்திலிருந்து, கிரௌஞ்சத்வீபமும் கூறப்பட்டு க்ரௌஞ்சத்திலிருந்து சால்மலித்வீபமும் சால்மலியிலிருந்து கோமேதகமும், கோமேதகத்திலிருந்து புஷ்பராகமும் உள்ளதாக அறிய வேண்டும்.

39. சுத்த ஜல ஸமுத்ரத்திற்கு வெளியில் லோகா லோகம் என்ற மலை என்று அறியவும். நடுவில் சிவப்பு வர்ணமும் வெளியில் கருப்பு வர்ணமும்

40. பத்து கோடி யோஜனை அளவு பிரதேசமானது தேவர்களின் விளையாட்டிற்கு ஏற்றதாகும். அதிலிருந்து அத்திரிகிரியும், லோக லோகமும் ஆகும்.

41. பத்தாயிரம் யோஜனை விஸ்தீர்ணம் உடைய தேசம் தேவர்களின் ஆச்ரமமாக ஆகும். இமாலயத்தில் பிசாசுகள் இருக்கின்றன. அவர்களின் பெயர்கள் பின் வருமாறு ஆகும்.

42. த்வஜன், சண்டன், கம்லாஸன், கதலீ, பகன் என்பவனும் படபாமுகன், த்விபாதன், விபாதன், காரகன், என்றும் (விபாதன் என்றும்)

43. ஜ்வாலா, கும்பபாத்ரன், கும்பீ, ப்ரதுந்திகன், ப்ரதுந்திகோபன், உபவீரன், ப்ரவீரன், உலூகலன் என்றும்

44. உலூகலீ, மார்கடீ, மார்கடன், சக்ரஷண்டகன், சக்ரஷண்டீ, பாணிபத்ரன், பாணிபத்ரி, வாஸுகன்

45. வாஸுகி, பாம்சுமன், பாம்சுமதினீ, நிபுணன், நிபுனி, (பலிபுக்) உச்சேஷணா,

46. ப்ரஸ்கந்த: ஸ்கந்திகா என்ற முற்பத்தி நான்கு பெயர் உதாரணமாக்கப்பட்டுள்ளது. இவர்களை மாம்ஸான்னங்களால் கவுரவித்து கள் முதலியவை அளித்து ரக்ஷõபந்தன கயிறுகளால் பூஜிக்க வேண்டும்.

47. ச்வேதாசலத்தில் அசுரர்களும் ராக்ஷஸர்களும் இருப்பதாக கூறப்பட்டுள்ளன. ஹிரண்யகசிபு, ஹிரண்யாக்ஷன்

48. இந்த இரண்டு பேரும் திதியின் பிள்ளையாக அறியவும், அசுரர்கள் விப்ரசித்தன் த்வீமூர்த்தா, சம்பரன் சங்குசிரன்,

49. யமன், சங்கு கர்ணன், த்விபாதன், கவேஷ்டி, மேஷ வக்த்ரன், மகவான், கபிலன்,

50. வாமனன், மரீசி, இக்ஷீபன், பாகன், அபாகன், சாவாக்ரஹன் என்று அறிய வேண்டும்.

51. தி÷க்ஷõபன், சுகேசன், கேதுவீர்யன், சதஹ்ரதன், மந்திரஜிது, அச்வஜிது, ராஜி,

52. தேவசித், ஏகவக்தரன், ஸுபாஹு, வாரகன், வைச்வாநரன், சுலோமா, த்ரவினன், மஹாசிரன்,

53. ஸ்வர்பானு, பூஷபூர்வன், த்விபுஜன், த்ருதராஷ்டகன், சந்திரதாபனன், சூக்ஷமன், நிச்சந்திரன்

54. ஸ்வர்ண நாபண், மஹாகிரி, ஆபிலோகன், சுகேசன், மலையன், மலகன்,

55. நயன், நகமூர்தா, மஹோதரன், ப்ரமோதன், குமுதன், அச்வக்ரீவன், வைச்ரவன்,

56. விரூபாக்ஷன், சருபதன், ஹரன், ராஜா, ஹிரண்யயுக், சதமகன், சம்பரன், சரபன், மயன்,

57. சரபன், சூர்யன், சந்திரன் ஆகிய நான்கு பேருக்கும் முன்பு போல் பூஜிக்க வேண்டும்.

58. ச்ருங்கவதி மலையில் பித்ருக்களை பூஜிக்கவும். சுபாஸ்வரர்களை, அமிருதர்கள் அக்னி ஷ்வாத்தர்கள், உபஹூதர்கள்,

59. ஸோமபர்கள், சுகாலிகர்கள், க்ரவ்யாதர்கள், ஆஜ்யபர்கன், தனித்தனியாக மூன்று விதமாக கூறப்பட்டுள்ளன.

60. ஏழு கணங்களால் இருபத்தி ஓர் எண்ணிக்கையாக சொல்லப்பட்டுள்ளன. அக்னி ஸ்வாத்தர்கள் பர்ஹிஷதர்கள், ஸோமபர்கள்,

61. ஹவிஸ்மந்தர்கள், ஆஜ்யபர்கள், சுகாலிகர்கள், அக்னி, அனக்னி, ஹவ்யவாஹனர்கள், ஹவிஸ், ஸளம்யர்கள் பத்து நபர்களாகும்.

62. நல்லெண்ணை, அன்னம், மாம்சம், ரக்ஷõ பந்தன, சூத்திரம் இவைகளால் மேற்கூறியவர்களை பூஜிக்க வேண்டும். நீலாசலத்தில் காச்யபர் முதலான ரிஷிகள் பூஜிக்கப்படவேண்டும்.

63. காச்யபர், அத்ரி, வசிட்டர், பாரத்வாஜர் கவுதமர், விச்வாமித்ரர் ஜமதக்னி, மரீசி,

64. புலஸ்த்யர், புலகர், க்ரது, ஆங்கிரஸ், சனத்குமாரர், சனகர், சனந்தனர், ஸனாதனர்,

65. தக்ஷன், ஜைகீஷவ்யன், தஹனன், ஏகதன், தீவிதர்த்ரிதர், ஜாபாலீ, துர்வாஸர், துர்வனீதகன்,

66. கண்வர், காத்யாயனர், மார்கண்டேயர், தீர்க்கதமர், சுனர், சேபர், விதுரர், சாத்வர், ஸம்வர்தர் என்றும்

67. ச்யவனர், பராசரர், த்வைபாயனர், யவக்ரீதர், தேவராதி, தேவராதா, ஜயன்

68. ஆகிய நாற்பது முனிவர்களை, சந்தனம் ரக்ஷõசூத்திரம் இவைகளாலும் அவரவர் பெயர்களாலும் ரிக், யஜுர், சாம, வேத மந்திரங்களாலோ பூஜிக்க வேண்டும்.

69. நிஷத பர்வதத்தில் அனந்தன் முதலான நாகர்கள் கூறப்பட்டுள்ளன. அனந்தன், வாசுகி, தக்ஷகன், கார்கோடகன்

70. பத்மன், மஹாபத்மன், சங்கபாலன், குளிகன் ஆகிய எட்டு நாகர்களை கலப்படமான சந்தன, புஷ்பங்களால்

71. சர்க்கரை, தேன், நெய், இவைகளை ரக்ஷõ சூத்ரத்துடன் கொடுக்கவும், மஹாமேரு, பர்வதத்தில் முற்பத்தி மூன்று தேவர்களை பூஜிக்க வேண்டும்.

72. தரன், த்ருவன், ஸோமன், ஆபன், அனிலன், அணலன், ப்ரத்யூஷன், ப்ரபாசன், ஆகிய எட்டு வசுக்களும்

73. அஜைகபாதன், அஹிர்புத்னி, விருபாக்ஷன், ரைவதன், ஹரன், பஹிரூபன், த்ரயம்பகன், ருத்ரன்.

74. ஜயந்தன், சாவித்ரன், பினாகி, அபராஜிதன், ருத்ரன் ஆகிய ஏகாதச ருத்ரர்களும், இந்திரன் தாதா, பகன்

75. த்வஷ்டா, மித்ரன், வருணன், விவஸ்வாந், ஸவிதா, பூஷா அம்சுமான், விஷ்ணு: ஆகிய பன்னிரண்டு சூர்யன்களும்

76. ப்ரஜாபதி, வஷட்காரன், ஆகிய முற்பத்தி மூன்று தேவர்களும் யஷ்டி நமஸ்கார தூபங்களாலும் ஆஜ்யாஹுதிகளாலும்

77. அர்க்யமும், ரக்ஷõசூத்ரமும், கொடுக்க வேண்டும், ஹேம கூட பர்வதத்தில் கந்தர்வர்களும் அப்ஸரஸ்திரீகளும் பூஜிக்க தக்கவர்கள் ஆவார். சித்ரசேனன், அக்னிசேனகன்

78. சுவர்ணன், கணபன், த்ருதராஷ்டரன், சூர்யவர்ச்சஸன், யுகபுத்திரன், சுசிராமன், அமரநந்தினன்.

79. த்வேதாமதி, சித்ரரதன், பர்ஜன்யன், உர்வீசன், கலி, பர்வதன், நாரதர்

80. சாதனன், சந்தி, குஹரன், கராளன், க்ருதவீர்யன், ப்ரம்மசாரீ, சுபர்ணன், மீனன்

81. ஹிரண்யன், சுசந்திரன், என்று இருபத்தேழு கந்தர்வர்கள் அக்ருதயன், உதயன், கந்தவத்யன்

82. ஊர்ஜன், யுவதயர்கள், ஹேதுகார்யன், ஸ்தவர்கள், அம்ருதர்கள், மோதகர்கள், சுசிவர்கள்

83. ரூபர்கன், பீரவர்கள், சவுர்யர்கள், ஸத்யர்கள், ஆகிய பதினான்கு பேர்களும் மேனகா, சகஜன்யா சகஜஸ்தலா புஞ்சிகஸ்தலா

84. க்ருதஸ்தலா, க்ருதாசீ, விச்வாசீ, பூர்வ சித்திகா, ப்ரம்லோசந்தி, அனும்லோசந்தி, மோசயந்தீ, அனுகா

85. ருத்ரா, அருணா, ப்ரியா, அத்ரஸா, சுபகாதாஸ்யரிஷ்டா, மநோவர்த்தி, சுகேசா திலோத்தமா

86. அக்னிபர்த்தீ, ஹேமா, மேனகா, ஊர்வசீ, இவர்களுக்கு சந்தனம் மாலைகளாலும் இருபத்தினான்கு, அப்சரஸ்திரீகளை வாசனை உள்ள புஷ்பம் சந்தனங்களாலும்

87. ரக்ஷõபந்தனம் முதலியவைகளால் ஹேம கூடமலையில் பூஜிக்கவும். யக்ஷர்களை பூஜிக்கவும். அவர்கள் மஹா வைச்ரவணன்

88. மானிபத்ரன், சுசிரன், ஐவர்களான, பண்டகன், வித்ருதன், பூர்ணபத்ரன், விரூபாக்ஷன், (அஷ்டயக்ஷராட்) என்ற யக்ஷர்களை

89. எல்லா நிறங்களும், உள்ளதான அன்னபலி நீலாசலத்தில் சித்தர்களை பூஜிக்க வேண்டும். மந்த்ரக்ஞன், மந்த்ரவித்தமன்

90. ப்ராக்ஞன், ஹம்ஸராஜன், சித்தபூஜிதன், சித்தவான், பரமசித்தன், கேசரபத்ரகன்

91. ஆகிய எட்டு சித்தர்களை பல வர்ணமுடைய பலிகளால் பூஜிக்கவும். ரக்ஷõசூத்ரம் முதலியவை கொடுக்கவும். மேருமலையில் நவக்கிரஹத்துடன் கூடியதும்

92. நக்ஷத்ரங்கள் சிரேஷ்டமான வினாயகர் இவைகளுடனும், ப்ரும்மா விஷ்ணு மாத்ருதேவர்கள் மஹாதேவன் விசாகன் லோகபாலகர்கள்

93. தேவஸ்தீரிகள் இவர்களை (ஹ்ரஸ்வ மந்திரங்களாலும்) ஏழ்மையினின்றும் காப்பாற்றுபவர்களாலும் பலவர்ண பலிகளாலும் முறைப்படி

94. ரக்ஷõபந்தனம், முதலியவைகளையும், கொடுக்கவும். அந்த தேவர்களின் பெயர் கீழ் உள்ள படியாகும். ஆதித்யன், ஸோமன், அங்காரகன், புதன்,

95. ப்ருஹஸ்பதி, சுக்ரன், சுனைச்சரன், ராஹு, கேது இவர்கள் நவக்ரஹங்கள் ஆவார். க்ருத்திகை (அதன்பிறகு ரோஹினி முதல் மூலம் வரை புஸ்தகத்தில் விடுபட்டுள்ளது)

96. பூராடம், உத்ராடம், அபிஜித், திருவோணம் இவைகளும் அவிட்டம், சதயம், பூரட்டாதி,

97. உத்ரட்டாதி, ரேவதி, அச்வனி, பரணி, இவைகளை நான்கு திக்கிலுமாகும். ப்ராம்ஹி, மாஹேஸ்வரி,

98. வாராஹி, வைஷ்ணவி, கவுமாரி, மாஹேந்திரி, சாமுண்டி, வீரபத்ரன், விநாயகர்,

99. ஸ்கந்தர், மஹாவிஷ்ணு, மஹாதேவன், பிரம்மா, விசாகன், இந்திரன் அக்னி, யமன், நிருருதி, வருணன்,

100. வாயு, குபேரன், ஈசானன், ஆகிய எட்டு லோக பாலர்களையும், (சசி) இந்தராணி, பாஜி, வனஸ்கந்தா, தூம்ரா, மண்டலவர்த்தனி,

101. பூர்ணா, சினிவாலீ, குஹு, ராகாநுமதி, ஆயதா, வ்யயநீ, ப்ரக்ஞா, மேநா, பலா,

102. இந்த தேவஸ்த்ரீகள், பதினான்கு எண்ணிக்கையாக கூறப்பட்டுள்ளன. நாஸத்யௌ அச்விநௌ, தஸ்ரௌ, இவர்களை முறையாக

103. ரக்ஷõ சூத்திரம், வஸ்திரம், கொடி, அணிகலன்களால் பூஜிக்கவும். உயர்ந்த ஆசிரியன் எல்லோர்க்கும் பூணூலை கொடுக்க வேண்டும்.

104. ஐந்து வர்ணங்களால் ஆன ஹவிஸ்ஸும் கொடுக்கவும், பிறகு மேற்குபக்க வேதிகையில் நெய் நிரம்பிய குடங்களை

105. நூல் சுற்றி வஸ்திரம், சாற்றி மாவிலை, தேங்காய் இவைகளை உடையதாக, இருபத்தி எட்டு, எட்டு, நூற்றிஎட்டு என்ற எண்ணிகை உடையதாகவோ

106. ஸ்தாபித்து அதன் நான்கு கோணங்களிலும் பதினாறு எண்ணிக்கை உள்ள நூல் வஸ்திரம், இவைகளுடன் கூடிதான கடங்களை ஸ்தாபித்து அதில் திரவ்யங்களை சேர்க்க வேண்டும்.

107. மூன்று ஜ்யோதிஷ்டோமத்தையும் அபயா, அபராஜிதாவையும், ஜீவா, விச்வேச்வரி, வாரா, சமாங்கா, விஜயா

108. சகா, சகதேவா, பூர்ணா, கோசசதாவரி, அதிஷ்டா, சிவா, பத்ரா ஆகிய இவைகளை கும்பங்களில் ஸ்தாபிக்க வேண்டும்.

109. ப்ராம்மீ க்ஷமா (பூமி) யையும், ஸர்வபீஜங்களையும், தங்கத்தையும், கிடைக்கக் கூடிய மங்களப் பொருட்களையும் எல்லா ஓஷதிரஸங்களையும்,

110. எல்லா செஞ்சந்தனங்களையும், பில்வம் விகங்கதம் இவைகளை ஸமீபமாக வைக்க வேண்டும்.. பெயரைக் கூறிக் கொண்டதாக ஹிரண்யம் மங்கள பொருட்களையும்,

111. ஆயுளுள்ள மூப்புள்ள காளைக்கன்றுக்குட்டியின் தோலை நன்கு லக்ஷணம் உடையதாக கிழக்கில் தலை வைத்ததாகவும் அமைக்கவேண்டும்.

112. பிறகு, அரசனுக்காக புதியதும் பட்டாலானதும் நாற்புறமும் சிவந்தும் மூன்றாவதாக ஸிம்மத்தோலையும், புலித்தோலையும்,

113. இவ்வாறாக நான்கு தோல்களை அந்த வேதிகையின் மேல் விரிக்கவும். ம்ருத்யுஞ்சய மந்திரத்தை கூறிக் கொண்டு சந்தன புஷ்பங்களால் பூஜிக்க வேண்டும்.

114. அதற்கு மேல் ஸிம்மாஸனத்திலிருக்கும் பத்ரபீடத்தை ஸ்தாபிக்கவும் தங்கம், வெள்ளி, தாம்பரம், இவைகளாலும் பாலுள்ள மந்திரத்தினாலும்

115. ஒன்னேகால் ஒன்றரை முழ அளவிலோ ஓர்முழ அளவிலோ உயரம் அமைக்கவும். சார்வபவும மண்டலம் உத்தமம்.

116. சாமான்ய மண்டலம் அதமமாகும். அனந்த ரசிதமண்டலம் மத்யமம் என அறிந்து அமைக்கவும். உத்தமம், மத்யமம், என்ற பேதத்தினால் எல்லாவற்றையும் அமைக்கலாம்.

117. அதற்கு மேல் புஷ்பம் வைத்து அதன் மத்தியில் தங்கத்தை வைக்கவும். ஸ்னானம் சந்தனாதி அலங்காரத்துடன் உள்ள

118. அரசனை கிழக்கு முகமாக அமர்த்தவும். ஜ்யோதிஷர்கள், மந்திரி, அமைச்சர்கள், ப்ரோஹிதர்களிவர்களுடன் கூடி

119. புண்யாஹ வேத மந்திர கோஷங்களால் நாட்யம், வாத்யத்துடன் கூடியதாகவும் பாட்டு முதலிய மங்கள சப்தங்களால் சிவஸ்தாபன முறைகளாலும்

120. புதியதான வெண்பட்டும், பஞ்சாங்க பூஷணத்துடன் உள்ள ஆசார்யன் கம்பளத்தினால் ராஜாவை போர்த்தி வடக்கு முகமாக நின்று அபிஷேகம் செய்ய வேண்டும்.

121. நெய், தேஜஸ்ஸாக கூறப்பட்டு மேலான பாபத்தை போக்கக் கூடியதாகவும், நெய் தேவர்களுக்கு உணவாகவும், நெய் உலகத்தில் பிரஸித்தியாகிறது.

122. பூமி அந்தரிக்ஷம், ஆகாயம் இவைகளில் எந்த பாபங்கள் உண்டோ அவைகள் நெய் ஸ்பர்சம் ஏற்படுவதால் நாசத்தை அடையட்டும்.

123. கம்பளத்தை எடுத்து விட்டு முன்பு ஸ்தாபிக்கப்பட்ட கும்ப தீர்த்தங்களாலும் பலவித பழம் புஷ்பமிவைகளால் மிருதுவானதும் வாசனையுள்ளதுமாக அபிஷேகம் செய்ய வேண்டும்.

124. இந்த மந்திரத்தினால் ஆசார்யன் ராஜாவை அபிஷேகம் செய்யவும், தேவர்கள் புராதன மாக ஸித்தர்கள் எவர்களுள்ளனரோ அவர்கள் அபிஷேகம் செய்ய வேண்டும்.

125. பிரம்மா, விஷ்ணு, ருத்ரன், ஸாத்யன், மருத்கணர்கள், ஆதித்யர்கள், வஸுக்கள், ருத்ரர்கள், அச்வினீ தேவர்கள் உத்தமமான வைத்யர்கள்,

126. அததி, தேவமாதா, ஸ்வாஹா, ஸந்தி, ஸரஸ்வதி, கீர்த்தி, லக்ஷ்மி த்ருதி ஸ்ரீ, ஸிநிவாலீ, குஹு,

127. நக்ஷத்ரங்கள், முஹூர்த்தங்கள், பக்ஷம், அஹோராத்ரம், ஸந்தி, ஸம்வத்ஸரம் தினேசர்கள் (கிழமை தேவதைகள்) கலை, காஷ்டா, க்ஷணம், லவம்,

128. ஆகிய இவைகள் எல்லாம் உன்னை அபிஷேகம் செய்விக்கட்டும். காலத்தின் சுபமான அவயங்களும், அதிதி, ஸுரஸா, விநதா, கத்ரு,

129. தேவபத்னிகள், தேவமாத்ருக்கள், ஆகிய இவர்கள் உம்மை அபிஷேகம் செய்விக்கட்டும் சுபமாந அப்சரகணங்களும்,

130. வைமாநிகர்கள் ஸுகணங்கள், மனுக்கள், ஸாகரர்கள், ஸரித்துகள், மஹாபாகர்கள், கின்னரர்கள், புருஷர்கள்,

131. மஹாபாகர்களான, வைகானஸர்கள், பிராம்ணர்கள், ஹாயஸர்கள், ஸப்த ரிஷிக்கள், ரிஷி பத்தினிகள், த்ருவஸ்தானர்கள்,

132. மரிசீ, அத்ரி, புலகர், புலஸ்த்யர், க்ரது, அங்கிரஸ், குரு, ஸநத்குமாரர் ஸநகர், ஸநந்தகர்,

133. ஸநாதனர், தக்ஷர், ஜைகிஷவ்யர், ஜலம், ஏகதன் த்ரிதன், ஜாபாலி, காச்யபர்,

134. துர்வாஸர், துர்விநீதா, கண்வர், காத்யாயனர், மார்கண்டேயர், தீர்கதமர், சுனர், சேபர், விதுரன்,

135. அவுர்வர், ஸம்வர்த்தகர், ச்யவநர், அத்ரி, பராசரர், த்வைபாயநர், யவக்ரீதர், தேவராதர் ஸஹாநுஜர்

136. இந்த மற்ற எல்லா தேவர்களும் புண்ய பயனை கூறுபவர்களாக தீர்த்தங்களால் உன்னை அபிஷேகம் செய்விக்கட்டும். எல்லா உத்பாதங்களை நீக்கவல்ல

137. அந்த அதர்வண வேத மந்திரங்களால், ருத்ராத்யாய, மந்திரத்தினாலும், கோசூத்த (பசு) மந்திரத்தினாலும் கூஷ்மாண்ட மந்திரத்தினாலும் குபேர ஹ்ருதய மந்திரங்களாலும்

138. ஹிரண்யவர்ணா, என்றும் ஆபோஹிஷ்டா என்ற மந்திரங்களாலும், ஜபித்து, சிவமந்திரம், அகோர மந்திரம் மிருத்யுஞ்சய மந்திரமோ ஜபித்து

139. ராஜாவை அபிஷேகம் செய்வித்து நிரீக்ஷணம் செய்து, ஸ்னானம் செய்விக்க ராஜா பருத்தி வஸ்திரம், இரண்டை அணிந்து

140. புண்யாஹ சப்தங்கள், சங்கநாத கோஷங்களுடன் கூடி ஆசமனம் செய்து தேவர்களையும் ஆசார்யன் பிராம்ணர்களையும் பூஜித்து

141. பிறகு கொடி, ஆயுதம், வெண்கொற்றக் குடை, இவைகளையும் மற்ற தன்னுடைய உபகரணங்களையும் முன்பு கூறிய மந்திரங்களால் பூஜிக்கவும்.

142. இரண்டு வஸ்திரங்களை உடுத்தி எல்லா ஆபரணங்களையும் அணிந்து எல்லா அலங்காரத்துடனும் ஹோம வேதிகையை அடைந்து,

143. வ்ருஷபம் (பூனை) கலைமான், கவரிமான் சிங்கம், புலி, இவைகளில் தோலை பரப்பி அதில் அரசனை அமர்த்தி

144. கிழக்கு அல்லது வடக்கு முகமாக ஆசார்யன் குண்டத்திலோ ஸ்தண்டிலத்திலோ ஸமித், நெய், இவைகளால் நூறு ஆஹுதி ஹோமம் செய்ய வேண்டும்.

145. உயர்ந்ததான மிருத்யுஞ்சய மந்திரத்தால் புரசு சமித்தை ஹோமம் செய்யவேண்டும், ஹோம முடிவில் அஞ்சலி ஹஸ்தமாக இருந்து கீழ்கண்டபடி ஆசார்யன் கூற வேண்டும்.

146. எல்லா தேவ கனங்களும் பூஜையை ஏற்றுக் கொண்டு பூமியிலிருந்து செல்லட்டும். ஏராளமான சித்திகளைக் கொடுத்து சென்று மறுபடியும் திரும்ப வரட்டும்.

147. ஹோம காலத்தில் குரு திருப்தியடைவதற்காக அவர்க்கு தட்சிணையை கொடுக்கவும். அரசன் பிராம்ணர்களுக்கு விசேஷமாக தானம் கொடுக்க வேண்டும்.

148. எல்லா ஜனங்களையும் விடுவிக்கவும். ஈஸ்வரனை வணங்கி அவனுக்கு கிராமம், தங்கம் முதலியவைகளை

149. கொடுத்து, மகிழ்ச்சி அடைந்த மனதை உடையவனாக கிரீடம் முதலானவைகளால் அலங்கரித்துக் கொண்டு யானைமேல் அமர்ந்து அரண்மனையை நோக்கி செல்ல வேண்டும்.

150. எல்லா துன்பங்கள் அழிவதற்கும் எல்லா நோயும் நீங்குவதற்கும் பிரசித்தமான சக்ரவர்த்தி ஆகும் தன்மைக்கும் ஆயுள், ஆரோக்ய சித்திக்கும்,

151. எல்லா சத்ருக்கள் அழிவதற்கும் ராஜாவின் வெற்றிக்காகவும் புண்ய ஸ்தலத்தில் ஒவ்வொரு வருடமும் புஷ்யாபிஷேகம் செய்ய வேண்டும்.

இவ்வாறு உத்தரகாமிகாகம மஹாதந்திரத்தில் புஷ்யாபிஷேக முறையாகிற எண்பதாவது படலமாகும்.

படலம் 79: அரசனுக்கு நீராஜனம் செய்யும் முறை

79வது படலத்தில் அரசனுக்கு நீராஜனம் செய்யும் முறை விளக்கப்படுகிறது. முதலில் சாமர்த்யமான ராஜ விஷயத்திலும், ஸார்வ பவும ராஜ விஷயத்திலும் நீராஜன விதி கூறப்படுகிறது என்பது கட்டளை. பிறகு வேதிகையில் தோரண மாலையால் அலங்கரிக்கப்பட்ட அழகான ஆசார்யன் புதிதாக வஹ்நியை ஏற்படுத்தி அந்த அக்னியை வளர்ந்ததாகவும், மேல் எழுந்ததும் பிரகாசம் ஆனதுமாக சமித்துக்களால் ஜ்வாலை செய்து பத்திர, புஷ்ப, அக்ஷதைகளாலும், இலந்தை சமித்துக்களாலும் கூர்ச்சங்களாலும் மந்திரத்துடன் கூடி ஹோமம் செய்க என கூறப்படுகிறது. இதில் ஹோம விதியானது கூறப்படவில்லை. பிறகு பகவானான பவனை, கந்தபுஷ்பங்களால் பூஜித்து நீராஜன கர்மாவை செய்யவும். பிறகு கவுரியை முன்புபோல் பூஜித்து நீராஜன கர்மாவை அனுஷ்டிக்கவும். பிறகு மஹாவிஷ்ணு, லக்ஷ்மி, குஹன், பிரம்மா, கணபதி, சண்டிகை, சூரியன், யக்ஷர்கள், மாதுர்கணங்கள் மற்றும் எல்லா பித்ருக்களுக்கும் முன்புபோல் பூஜித்து நீராஜன விதியை மணியினால் பெரிய சப்தத்துடன் இடையூறு கூட்டத்தை போக்க எருமை மாடு, இவைகளுக்கு நீராஜனம் செய்யவும். பிறகு உத்தமமான ஆசார்யன் அரசனின் யானை, குதிரை, இவைகளுக்கும் ராஜ சின்னங்களுக்கும் நீராஜன கர்மா அனுஷ்டிக்கவும். அமைச்சர் முதலியவர்களால் சூழப்பட்டவரும் சிம்மாசனத்தில் அமர்ந்தவருமான அரசனை பலஸ்திரீகளால் அல்லது அழகு, யவுவனம், உடைய தாசீ நீராஜனம் செய்யவும் என கூறப்படுகிறது. நீராஜன விதியானது இந்த கிரந்தத்தில் ஏழாவது படலத்தில் கூறப்படுகிறது. முடிவில் நீராஜன கர்மா எந்த ராஜ்யத்தில், புரத்தில், கிராமத்தில், செய்யப்படுகிறதோ, அந்த ராஜ்ய ராஜா சுகமாக இருப்பார், சுபிக்ஷம் ஏற்படும் என கூறப்படுகிறது. பிராம்ணர் முதலிய நான்கு வர்ணத்தவர்களுக்கும் வியாதி ஏற்பட்ட சமயத்திலும் அதை போக்குவதற்காக நீராஜன கர்மா செய்ய வேண்டும் என அறிவிக்கப்படுகிறது. இவ்வாறாக 79வது படல கருத்து சுருக்கமாகும்.

1. கார்த்திகை மாதம் சுக்ல பக்ஷ த்வாதசி திதியில் இரவு வேளையின் ஆரம்பமான பிரதோக்ஷ வேளையில் வேதிகையின் மேல் தோரணம், புஷ்பமாலை இவைகளால் சதுரச்ரமான வேதிகையை அலங்கரித்து

2. புதியதான அக்னியை மந்திரங்களால் உத்தமமான ஆசார்யன் ஹோமம் செய்து, நன்கு வளர்ந்த மரங்களால் பிரகாசிக்கின்ற அக்னியை

3. இலந்தை மரங்களாலும் கூர்ச்சம், இலை, புஷ்பம், அக்ஷதை இவைகளாலும் சந்தனம், புஷ்பம் இவைகளாலும் ஈச்வரனை முன்பு கூறியபடி நீராஜனம் செய்ய வேண்டும்.

4. அந்த அக்னியினாலே அதை சிவனை அனுசரிக்கின்ற கவுரி விஷ்ணு, லக்ஷ்மி, பிரம்மா, வினாயகர், சண்டிகை, சூர்யன், யக்ஷர்கள், மாத்ரு கணங்கள்

5. அவ்வாறே குஹன், பித்ருகணங்கள், ஸர்ப்ப தேவதைகள், ஆகிய எல்லாவற்றிற்கும் பசுவிற்கும் எருமைக்கும் நீராஜனம் செய்ய வேண்டும்.

6. மணி அடிப்பதால் உண்டான பெரிய சப்தங்களால் இடையூறுகளை போக்கி உத்தமமான ஆசார்யன் விசேஷமாக அரசனுக்கு நீராஜனம் செய்ய வேண்டும்.

7. குதிரைகள், யானைகள், ராஜசின்னங்கள் இவைகளுக்கும் சிம்மாசனத்தில் இருப்பவரும், அமைச்சர்களுடன் கூடியவருமான ராஜாவிற்கு நீராஜனம் செய்ய வேண்டும்.

8. சந்தனம், புஷ்பம் இவைகளால் பூஜிக்கப்பட்ட தாயும் குலஸ்த்ரீகளாலும், இளமையான ஸ்த்ரீகளாலும் அழகான தாசிகளாலும் நீராஜனம் செய்யவேண்டும்.

9. எந்த ராஜ்யம், பட்டணம், கிராமங்களில் இந்த நீராஜனம் செய்யப்படுகிறதோ அங்குள்ளவர்களின் ராஜா சுகம் அடைகிறான், சுபிக்ஷத்தை அடைகிறான், நான்கு வர்ணத்தவர்களுக்கும் வ்யாதி ஏற்பட்ட பொழுது இந்த நீராஜனம் செய்ய வேண்டும்.

இவ்வாறு உத்தரகாமிக மஹாதந்திரத்தில் ராஜநீராஜன விதியாகிற எழுபத்தி ஒன்பதாவது படலமாகும்.