இன்று முதல் எட்டு நாட்களுக்கு  அஷ்டலட்சுமிகள் பற்றிய விளக்கம்.

1. கஜலட்சுமி : நான்கு கரங்களுடனும் அதில் இரு கைகள் தாமரை மலரை ஏந்த ஒரு கரம் உன்னதமான அபய முத்திரை அளிக்க நூற்றெட்டு இதழ்த் தாமரை மலரில் வசிப்பவள். வெளுத்த திருமேனி இவளுடையது பேரொளிப் பிழம்பு என விளங்கும் பேரழகு கொண்டவள் பல வகைப்பட்ட அணிமணிகளும் பூண்டு தூய ஆடையும் அணிந்தவள். இவளின் இருபுறங்களிலும் சாமரமேந்தித் தோழியர் பணி செய்யப்பட்டாடை புனைந்து அது அவளது திருவடிகள் வரை தொங்கும். இதுவே கஜலட்சுமியின் திரு அம்சமாகும்.