॥ ௐ நமோ நாராயணாய அஷ்டாக்ஷரமாஹாத்ம்யம் ॥

ஶ்ரீஶுக உவாச --
கிம் ஜபந் முச்யதே தாத ஸததம் விஷ்ணுதத்பர: ।
ஸம்ஸாரது:³கா²த் ஸர்வேஷாம் ஹிதாய வத³ மே பித: ॥ 1॥

வ்யாஸ உவாச --
அஷ்டாக்ஷரம் ப்ரவக்ஷ்யாமி மந்த்ராணாம் மந்த்ரமுத்தமம் ।
யம் ஜபந் முச்யதே மர்த்யோ ஜந்மஸம்ஸாரப³ந்த⁴நாத் ॥ 2॥

ஹ்ருʼத்புண்ட³ரீகமத்⁴யஸ்த²ம் ஶங்க²சக்ரக³தா³த⁴ரம் ।
ஏகாக்³ரமநஸா த்⁴யாத்வா விஷ்ணும் குர்யாஜ்ஜபம் த்³விஜ: ॥ 3॥

ஏகாந்தே நிர்ஜநஸ்தா²நே விஷ்ணவக்³ரே வா ஜலாந்திகே ।
ஜபேத³ஷ்டாக்ஷரம் மந்த்ரம் சித்தே விஷ்ணும் நிதா⁴ய வை ॥ 4॥

அஷ்டாக்ஷரஸ்ய மந்த்ரஸ்ய ருʼஷிர்நாராயண: ஸ்வயம் ।
ச²ந்த³ஶ்ச தை³வீ கா³யத்ரீ பரமாத்மா ச தே³வதா ॥ 5॥

ஶுக்லவர்ணம் ச ௐகாரம் நகாரம் ரக்தமுச்யதே ।
மோகாரம் வர்ணத: க்ருʼஷ்ணம் நாகாரம் ரக்தமுச்யதே ॥ 6॥

ராகாரம் குங்குமாப⁴ம் து யகாரம் பீதமுச்யதே ।
ணாகாரமஞ்ஜநாப⁴ம் து யகாரம் ப³ஹுவர்ணகம் ॥ 7॥

ௐ நமோ நாராயணாயேதி மந்த்ர: ஸர்வார்த²ஸாத⁴க: ।
ப⁴க்தாநாம் ஜபதாம் தாத ஸ்வர்க³மோக்ஷப²லப்ரத:³ ।
வேதா³நாம் ப்ரணவேநைஷ ஸித்³தோ⁴ மந்த்ர: ஸநாதந: ॥ 8॥

ஸர்வபாபஹர: ஶ்ரீமாந் ஸர்வமந்த்ரேஷு சோத்தம: ।
ஏநமஷ்டாக்ஷரம் மந்த்ரம் ஜபந்நாராயணம் ஸ்மரேத் ॥ 9॥

ஸந்த்⁴யாவஸாநே ஸததம் ஸர்வபாபை: ப்ரமுச்யதே ।
ஏஷ ஏவ பரோ மந்த்ர ஏஷ ஏவ பரம் தப: ॥ 10॥

ஏஷ ஏவ பரோ மோக்ஷ ஏஷ ஸ்வர்க³ உதா³ஹ்ருʼத: ।
ஸர்வவேத³ரஹஸ்யேப்⁴ய: ஸார ஏஷ ஸமுத்³த்⁴ரூʼத: ॥ 11॥

விஷ்ணுநா வைஷ்ணவாநாம் ஹி ஹிதாய மநுஜாம் புரா ।
ஏவம் ஜ்ஞாத்வா ததோ விப்ரோ ஹ்யஷ்டாக்ஷரமிமம் ஸ்மரேத் ॥ 12॥

ஸ்நாத்வா ஶுசி: ஶுசௌ தே³ஶே ஜபேத் பாபவிஶுத்³த⁴யே ।
ஜபே தா³நே ச ஹோமே ச க³மநே த்⁴யாநபர்வஸு ॥ 13॥

ஜபேந்நாராயணம் மந்த்ரம் கர்மபூர்வே பரே ததா² ।
ஜபேத்ஸஹஸ்ரம் நியுதம் ஶுசிர்பூ⁴த்வா ஸமாஹித: ॥ 14॥

மாஸி மாஸி து த்³வாத³ஶ்யாம் விஷ்ணுப⁴க்தோ த்³விஜோத்தம: ।
ஸ்நாத்வா ஶுசிர்ஜபேத்³யஸ்து நமோ நாராயணம் ஶதம் ॥ 15॥

ஸ க³ச்சே²த் பரமம் தே³வம் நாராயணமநாமயம் ।
க³ந்த⁴புஷ்பாதி³பி⁴ர்விஷ்ணுமநேநாராத்⁴ய யோ ஜபேத் ॥ 16॥

மஹாபாதகயுக்தோঽபி முச்யதே நாத்ர ஸம்ஶய: ।
ஹ்ருʼதி³ க்ருʼத்வா ஹரிம் தே³வம் மந்த்ரமேநம் து யோ ஜபேத் ॥ 17॥

ஸர்வபாபவிஶுத்³தா⁴த்மா ஸ க³ச்சே²த் பரமாம் க³திம் ।
ப்ரத²மேந து லக்ஷேண ஆத்மஶுத்³தி⁴ர்ப⁴விஷ்யதி ॥ 18॥

த்³விதீயேந து லக்ஷேண மநுஸித்³தி⁴மவாப்நுயாத் ।
த்ருʼதீயேந து லக்ஷேண ஸ்வர்க³லோகமவாப்நுயாத் ॥ 19॥

சதுர்தே²ந து லக்ஷேண ஹரே: ஸாமீப்யமாப்நுயாத் ।
பஞ்சமேந து லக்ஷேண நிர்மலம் ஜ்ஞாநமாப்நுயாத் ॥ 20॥

ததா² ஷஷ்டே²ந லக்ஷேண ப⁴வேத்³விஷ்ணௌ ஸ்தி²ரா மதி: ।
ஸப்தமேந து லக்ஷேண ஸ்வரூபம் ப்ரதிபத்³யதே ॥ 21॥

அஷ்டமேந து லக்ஷேண நிர்வாணமதி⁴க³ச்ச²தி ।
ஸ்வஸ்வத⁴ர்மஸமாயுக்தோ ஜபம் குர்யாத்³ த்³விஜோத்தம: ॥ 22॥

ஏதத் ஸித்³தி⁴கரம் மந்த்ரமஷ்டாக்ஷரமதந்த்³ரித: ।
து:³ஸ்வப்நாஸுரபைஶாசா உரகா³ ப்³ரஹ்மராக்ஷஸா: ॥ 23॥

ஜாபிநம் நோபஸர்பந்தி சௌரக்ஷுத்³ராத⁴யஸ்ததா² ।
ஏகாக்³ரமநஸாவ்யக்³ரோ விஷ்ணுப⁴க்தோ த்³ருʼட⁴வ்ரத: ॥ 24॥

ஜபேந்நாராயணம் மந்த்ரமேதந்ம்ருʼத்யுப⁴யாபஹம் ।
மந்த்ராணாம் பரமோ மந்த்ரோ தே³வதாநாம் ச தை³வதம் ॥ 25॥

கு³ஹ்யாநாம் பரமம் கு³ஹ்யமோங்காராத்³யக்ஷராஷ்டகம் ।
ஆயுஷ்யம் த⁴நபுத்ராம்ஶ்ச பஶூந் வித்³யாம் மஹத்³யஶ: ॥ 26॥

த⁴ர்மார்த²காமமோக்ஷாம்ஶ்ச லப⁴தே ச ஜபந்நர: ।
ஏதத் ஸத்யம் ச த⁴ர்ம்யம் ச வேத³ஶ்ருதிநித³ர்ஶநாத் ॥ 27॥

ஏதத் ஸித்³தி⁴கரம் ந்ருʼணாம் மந்த்ரரூபம் ந ஸம்ஶய: ।
ருʼஷய: பிதரோ தே³வா: ஸித்³தா⁴ஸ்த்வஸுரராக்ஷஸா: ॥ 28॥

ஏததே³வ பரம் ஜப்த்வா பராம் ஸித்³தி⁴மிதோ க³தா: ।
ஜ்ஞாத்வா யஸ்த்வாத்மந: காலம் ஶாஸ்த்ராந்தரவிதா⁴நத: ।
அந்தகாலே ஜபந்நேதி தத்³விஷ்ணோ: பரமம் பத³ம் ॥ 29॥

நாராயணாய நம இத்யயமேவ ஸத்யம்
ஸம்ஸாரகோ⁴ரவிஷஸம்ஹரணாய மந்த்ர: ।
ஶ்ருʼண்வந்து ப⁴வ்யமதயோ முதி³தாஸ்த்வராகா³
உச்சைஸ்தராமுபதி³ஶாம்யஹமூர்த்⁴வபா³ஹு: ॥ 30॥

பூ⁴த்வோர்த்⁴வபா³ஹுரத்³யாஹம் ஸத்யபூர்வம் ப்³ரவீம்யஹம் ।
ஹே புத்ர ஶிஷ்யா: ஶ்ருʼணுத ந மந்த்ரோঽஷ்டாக்ஷராத்பர: ॥ 31॥

ஸத்யம் ஸத்யம் புந: ஸத்யமுத்க்ஷிப்ய பு⁴ஜமுச்யதே ।
வேதா³ச்சா²ஸ்த்ரம் பரம் நாஸ்தி ந தே³வ: கேஶவாத் பர: ॥ 32॥

ஆலோச்ய ஸர்வஶாஸ்த்ராணி விசார்ய ச புந: புந: ।
இத³மேகம் ஸுநிஷ்பந்நம் த்⁴யேயோ நாராயண: ஸதா³ ॥ 33॥

இத்யேதத் ஸகலம் ப்ரோக்தம் ஶிஷ்யாணாம் தவ புண்யத³ம் ।
கதா²ஶ்ச விவிதா:⁴ ப்ரோக்தா மயா ப⁴ஜ ஜநார்த³நம் ॥ 34॥

அஷ்டாக்ஷரமிமம் மந்த்ரம் ஸர்வது:³க²விநாஶநம் ।
ஜப புத்ர மஹாபு³த்³தே⁴ யதி³ ஸித்³தி⁴மபீ⁴ப்ஸஸி ॥ 35॥

இத³ம் ஸ்தவம் வ்யாஸமுகா²த்து நிஸ்ஸ்ருʼதம்
ஸந்த்⁴யாத்ரயே யே புருஷா: பட²ந்தி ।
தே தௌ⁴தபாண்டு³ரபடா இவ ராஜஹம்ஸா:
ஸம்ஸாரஸாக³ரமபேதப⁴யாஸ்தரந்தி ॥ 36॥

இதி ஶ்ரீநரஸிம்ஹபுராணே அஷ்டாக்ஷரமாஹாத்ம்யம் நாம ஸப்தத³ஶோঽத்⁴யாய: ॥ 17॥